فوتو: ٷكٸمەت
ٷكٸمەتتە پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعاريننٸڭ تٶراعالىعىمەن ٶتكٸزٸلگەن كەڭەستە سالىقتىق جەنە كەدەندٸك ەكٸمشٸلەندٸرۋ جٷيەلەرٸن تسيفرلاندىرۋ جٶنٸندەگٸ جۇمىستاردىڭ بارىسى تىڭدالدى, دەپ حابارلايدى Ult.kz.
قارجى ۆيتسە-مينيسترٸ ەسەت تۇرىسوۆتىڭ دەرەگٸ بويىنشا, قازٸرگٸ ۋاقىتتا فيسكالدىق ورگانداردىڭ اقپاراتتىق جٷيەلەرٸنە قاجەتتٸ دەرەكتەردٸ بەرۋ ٷشٸن Smart Data Finance, سەاج جەنە Keden سالىقتىق اقپاراتتىق جٷيەلەرٸن التى مەملەكەتتٸك ورگاننىڭ اقپاراتتىق جٷيەسٸمەن ينتەگراتسييالاۋ جالعاسۋدا. جاڭا سالىق كودەكسٸنٸڭ قولدانىسقا ەنگٸزٸلۋٸنە دەيٸن جاڭا سالىق جٷيەسٸن ەنگٸزۋ بويىنشا بارلىق تەستٸلٸك جەنە باسقا دا قاجەتتٸ رەسٸمدەردٸ بٸتٸرٸپ ٷلگەرۋ ٷشٸن بارلىق ينتەگراتسييالىق جۇمىستى مٷمكٸندٸگٸنشە تەزٸرەك تيياناقتاۋ قاجەت. كەڭەستە تولىققاندى ينتەگراتسيياعا كەدەرگٸ كەلتٸرەتٸن بارلىق مەسەلە قارالدى, ونىڭ قورىتىندىسى بويىنشا ۆيتسە-پرەمەر مەملەكەتتٸك ورگاندارعا بارلىق رەسٸمدٸك مەسەلەنٸ ناۋرىز ايىنىڭ سوڭىنا دەيٸن اياقتاۋدى تاپسىردى.
Smart Data Finance اج-نى ٶنەركەسٸپتٸك پايدالانۋعا بەرۋ «e-Tamga» ققس تٶلەم جٷيەسٸنٸڭ جۇمىسىن باستاۋ ٷشٸن نەگٸز بولادى. بۇل جٷيە ساتىپ الۋشى مەن جەتكٸزۋشٸ اراسىندا, سونداي-اق بيۋدجەتپەن ٶزارا ەسەپ ايىرىسۋ كەزٸندە ققس تٶلەمٸن جٷرگٸزۋگە ارنالعان. جٷيەدەگٸ ققس بويىنشا بارلىق تٶلەم تەك ەلەكتروندىق شوت-فاكتۋرا نەگٸزٸندە جٷرگٸزٸلدٸ. بۇل ققس تٶلەۋدەن جالتارۋدى بولدىرمايدى. وسى جٷيەنٸڭ ارقاسىندا ققس قايتارۋ قازٸرگٸدەي 150 كٷن ەمەس, 15 كٷن ٸشٸندە جٷزەگە اسىرىلادى. سونداي-اق ول ادال بيزنەستٸ جوسىقسىز تەۋەكەلدٸ كومپانييالاردان قورعاۋعا مٷمكٸندٸك بەرەدٸ.
بۇدان باسقا, سالىقتىق ەكٸمشٸلەندٸرۋدٸڭ ينتەگراتسييالانعان جٷيەسٸنٸڭ (سەاج) اج بازاسىندا قارجى مينيسترلٸگٸ تسدياٶم-مەن بٸرلەسٸپ سالىق تٶلەۋشٸلەرگە قىزمەت كٶرسەتۋدٸڭ پرواكتيۆتٸ سەرۆيستٸك مودەلٸن قۇرادى. سەاج-داعى سالىق تٶلەۋشٸنٸڭ جەكە كابينەتٸ سالىق تٶلەۋشٸلەرگە قىزمەتتەردٸ الۋعا جەنە ەسەپتٸلٸكتٸ قاشىقتان تاپسىرۋعا, دەكلاراتسييالاردى كەزەڭ-كەزەڭٸمەن, انىقتامالارمەن جەنە دەرەكتەردٸ تەكسەرۋمەن تولتىرۋعا مٷمكٸندٸك بەرەدٸ. جٷيە ەكٸجاقتى بايلانىستى قامتاماسىز ەتەدٸ: مەملەكەتتٸك كٸرٸس ورگانىنىڭ حابارلاماسىنا جاۋاپ بەرۋگە جەنە سالىق ورگانىنا بارماي-اق قۇجاتتاردى جٷكتەۋگە بولادى.
قازٸرگٸ ۋاقىتتا ەكٸنشٸ توقساندا اياقتالۋى جوسپارلانعان سەاج مودۋلدەرٸن كەزەڭ-كەزەڭٸمەن كٶبەيتۋ جٷرٸپ جاتىر. بولاشاقتا قىزمەت كٶرسەتۋ مودەلٸ بٸرىڭعاي سالىق كٶمەكشٸسٸن ەزٸرلەۋ ٷشٸن جاساندى ينتەللەكت كٶمەگٸمەن جەتٸلدٸرٸلەدٸ. ۆيرتۋالدى سالىق كٶمەكشٸسٸ بيزنەستٸ اشۋدان باستاپ جابۋعا دەيٸن سالىقتىق قولداۋدى قامتاماسىز ەتٸپ, ەربٸر سالىق تٶلەۋشٸگە دەكلاراتسييانى الدىن الا تولتىرۋعا, قولايلى سالىق رەجيمٸن تاڭداۋ بويىنشا ۇسىنىس بەرۋگە, دەكلاراتسييا تاپسىرۋ مەن سالىق تٶلەۋ مەرزٸمٸ تۋرالى حابارلاۋعا كٶمەكتەسەدٸ.
سونىمەن قاتار تۇتىنۋشىنىڭ ەربٸر ساتىپ الۋ ٷشٸن فيسكالدىق چەكتەردٸ تالاپ ەتۋگە قاتىستى ٶز قۇقىعى تۋرالى حاباردار بولۋىن جاقسارتۋ ٷشٸن وسى كٶكتەمدە قارجى مينيسترلٸگٸ Salyq كەشبەك جوباسىن قايتا باستاۋدى جوسپارلاپ وتىر. ٶتكەن جىلى Salyq كەشبەك پيلوتتى تۇرعىدا سەمەي قالاسى مەن اقكٶل اۋدانىندا سىناقتان ٶتكٸزٸلدٸ. ونىڭ كٶمەگٸمەن ساتىپ الۋشىلار فيسكالدىق چەك بەرۋ كەزٸندە ساتىپ الۋ سوماسىنىڭ 2%-ىن الدى. پيلوتتىق جوبانىڭ 5 ايىندا چەكتەر سانى 222%-عا, ال تاۋارلار مەن قىزمەتتەردٸڭ جالپى قۇنى 132%-عا ٶستٸ. 75 ملن تەڭگە كەشبەك ەسەپتەلدٸ. ەسەت تۇرىسوۆتىڭ حابارلاۋىنشا, 2025 جىلعى 15 ناۋرىزدان باستاپ بۇل جوبانى ٶسكەمەن (شقو), جەتٸقارا (قوستاناي وبلىسى) جەنە جاقسى اۋدانىنا (اقمولا وبلىسى) كەڭەيتە وتىرىپ, قايتا باستاۋ جوسپارلانىپ وتىر.
