«قازاقستاننىڭ مەديتسينالىق ۆولونتەرلەرٸ» بٸرلەستٸگٸنٸڭ تٶراعاسى ابىلايحان ەبدٸرەش ۆولونتەرلەر جىلى كٶپكە كٶمەك قولىن سوزىپ, مەكتەپ وقۋشىلارىنا العاشقى مەديتسينالىق كٶمەك بويىنشا ساباق ٶتكٸزۋدٸ جوسپارلاپ وتىر, دەپ حابارلايدى قازاقپارات.
23 جاستاعى ەلورداداعى مەديتسينالىق ۋنيۆەرسيتەتٸنٸڭ 7-شٸ كۋرس ستۋدەنتٸ 5 جىلدان بەرٸ ۆولونتەر. «پايدا ويلاما, ار ويلا» دەگەن ابايدىڭ ناقىلىن كەلتٸرگەن ابىلايحان قوعامنىڭ دامۋىنا ٷلەس قوسۋدى ماقسات تۇتاتىنىن ايتادى.
«ەر ادامنىڭ ٶمٸردە ماقساتى بولۋى كەرەك. قولىڭىزدان كەلسە اينالاعا كٶمەك كٶرسەتۋگە تىرىسقان ابزال. ەگەر قوعامداعى قىزمەتتٸڭ بەرٸ اقىلى بولىپ كەتسە, ادامي قۇندىلىقتار ەكٸنشٸ ورىنعا ىسىرىلا ما دەپ قورقام. بٸلەتٸنٸمٸزدٸ ٶزٸمٸزدەن كەيٸنگٸ بۋىنعا ٷيرەتٸپ جٷرسەك, ادال ەڭبەك ەتسەك, بٸز ٶز ارىمىزدى تازا ۇستاي الامىز دەگەن ويدامىن», - دەدٸ قازاقپارات تٸلشٸسٸمەن ەڭگٸمەلەسكەن ابىلايحان ەبدٸرەش ەلوردادا «Birgemiz» رەسپۋبليكالىق فرونت-كەڭسەسٸنٸڭ اشىلۋ سالتاناتىنان كەيٸن.
جاس ستۋدەنت ٶزٸن ەرٸكتٸ ەمەس, ۆولونتەر دەپ اتاۋدى جٶن كٶرەدٸ ەكەن.
«ٶكٸنٸشكە قاراي, بٸزدٸڭ قوعامدا ەرٸكتٸ دەگەندٸ «ەرٸككەن» سٶزٸمەن بايلانىستىرا ۇعاتىن دا, ايتىپ جٷرگەندەر دە بار. ۆولونتەرلەر جىلىندا بٷگٸن فرونت-كەڭسەمٸزدٸ اشىپ وتىرمىز. ودان بٶلەك قازٸرگٸ تاڭدا ەرتٷرلٸ ۆولونتەرلٸك ۇيىمدارعا كٸشٸ گرانتتار بٶلٸنٸپ جاتىر. بٷكٸل قازاقستان بويىنشا 300 مىڭ تەڭگە كٶلەمٸندە 68 گرانت بٶلٸنەدٸ. سول گرانتتاردى ەرتٷرلٸ ۆولونتەرلەر ٶز سالاسىنا پايدالانا الادى. مىسالى مەديتسينا ۆولونتەرلەرٸنە نە قاجەت? بٸزگە ەرتٷرلٸ العاشقى كٶمەكتٸڭ قوبديشاسىنان باستاپ تانومەترگە دەيٸن قاجەت. بٸز سونداي كەرەكتٸ زاتتاردى ساتىپ الىپ, حالىققا كٶمەكتەسٸپ, ٷلكەن پايدامىزدى تيگٸزە الامىز», - دەيدٸ ول.
ابىلايحان ەبدٸرەش جولعا قويىلعان ستۋدەنتتٸك كرەديت جوباسىن پايداعا جاراتپاق.
«ياعني مەن بەلگٸلٸ بٸر ۆاكانسييا اشىپ, بٸر مەكتەپكە بارىپ العاشقى مەديتسينالىق كٶمەكتٸ ساباق رەتٸندە ٶتكٸزە الامىن. ول باعدارلاما 20 نەمەسە 50 ساعاتتىق بولۋى مٷمكٸن. ماعان ۆولونتەرلەر كەلٸپ, بٸرگە جۇمىس ٸستەۋگە نيەت بٸلدٸرسە, مەن ونى قابىلداپ الىپ, ول مەنٸمەن بٸرگە ەرتٷرلٸ مەكتەپتە ۆولونتەرلٸك قىزمەتٸن جٷرگٸزە الادى. سەرٸكتەسٸمنٸڭ تيٸسٸنشە شەكٸرتاقىسىنا قوسىپ اقشا تٶلەۋگە بولادى. بٸر ۆولونتەر جىلىنا 70 ساعاتتىق ستۋدەنتتٸك كرەديتٸن ٶتەي الادى. مەنٸڭشە, ەلٸمٸزدە ۆولونتەرلەر كٶپ. تٸپتٸ ولار ٶزدەرٸنٸڭ ۆولونتەر ەكەنٸن بٸلمەۋٸ دە مٷمكٸن. سەبەبٸ بٸز قازاق دەگەن بٸر-بٸرٸنە كٶمەك قولىن سوزۋعا دايىن تۇراتىن, اسارلاتىپ ٷلكەن ٸس تىندىراتىن حالىقپىز», - دەيدٸ ول.
ايتا كەتسەك, ەلوردادا پرەزيدەنت قاسىم-جومارت توقاەۆ ەلوردادا ەكسپو كٶرمەسٸنٸڭ «Art Hub» پاۆيلونىندا ورنالاسقان ۆولونتەرلەردٸڭ «Birgemiz» رەسپۋبليكالىق فرونت-كەڭسەسٸنٸڭ اشىلۋ سالتاناتىنا قاتىستى. فرونت-كەڭسە بٷكٸل قازاقستاننىڭ ۆولونتەرلەرٸ ٷشٸن كەڭەس بەرۋ, ەدٸستەمەلٸك, وقىتۋ جەنە اقپاراتتىق ورتالىققا اينالاتىن بولادى. سونداي-اق, ول ۆولونتەرلٸك جوبالار مەن وقىتۋ باعدارلامالارىن ٷيلەستٸرۋ, مونيتورينگ جاساۋ, ۆولونتەرلٸكتٸ ٸلگەرٸلەتۋ بويىنشا بٸرىڭعاي اقپاراتتىق ساياساتتى جٷرگٸزەدٸ جەنە بٸرىڭعاي Call-ورتالىقتىڭ جۇمىسىن ۇيىمداستىرادى.
.jpeg)