مەملەكەت باسشىسى جاس كەزٸندە جۋرناليست بولعىسى كەلگەنٸن ايتتى, دەپ حابارلايدى "ۇلت اقپارات".
«سٸزدٸ بٸرنەشە كٸتاپتىڭ اۆتورى رەتٸندە تانيمىز. تاعى كٸتاپ جازۋ جوسپارىڭىزدا بار ما? ەگەر بار بولسا, وندا قانداي تاقىرىپتا جازاسىز?» - دەپ سۇرادى «كازاحستانسكايا پراۆدا» گازەتٸنٸڭ تٸلشٸسٸ قر پرەزيدەنتٸ قاسىم-جومارت توقاەۆتان اقورداداعى بريفينگ بارىسىندا.
«يە, مەن كٶپ كٸتاپ جازدىم. ولار تەك قازاقستاندا عانا ەمەس, شەت ەلدەردە دە تانىمال بولدى. نەگٸزٸ مەن جازعاندى, قولىما قالام ۇستاعاندى جاقسى كٶرەمٸن. ايتپاقشى, مەن بالا كٷنٸمدە جۋرناليست بولۋدى ارماندادىم. بٸراق ولاي بولمادى. ديپلومات بولدىم. ال, جوسپارعا كەلەتٸن بولسام, قازٸر مەنٸڭ شىعارماشىلىق جانردا جازاتىن ۋاقىتىم جوق. بٸراق زەينەتكە شىققاندا مەن كٸتاپ جازامىن. ونىڭ اتى «بۇل قالاي بولدى?» نەمەسە «ٶتكەن مەن كەلەشەك اراسىندا» دەپ اتالاتىن بولادى», - دەدٸ مەملەكەت باسشىسى.
ايتا كەتەيٸك, قاسىم-جومارت توقاەۆ سايلاۋ بارىسىندا كانديداتتاردىڭ بارلىعىنا انىق مٷمكٸندٸكتەر جاسالعانىن ايتقان بولاتىن. سونىمەن قاتار, مەملەكەت باسشىسى ۇلىقتاۋ رەسٸمٸنٸڭ قاشان ٶتەتٸنٸن ايتتى. سونداي-اق, پرەزيدەنت ٷكٸمەت وتستاۆكاعا كەتپەيتٸنٸن, بٸراق كادرلىق تاعايىنداۋ بولاتىنىن ەسكەرتتٸ. ول بيلٸك ترانزيتٸ جايلى پٸكٸرٸن بٸلدٸردٸ.
