Memleket basshysy jas kezinde jýrnalist bolǵysy kelgenin aitty, dep habarlaidy "Ult aqparat".
«Sizdi birneshe kitaptyń avtory retinde tanimyz. Taǵy kitap jazý josparyńyzda bar ma? Eger bar bolsa, onda qandai taqyrypta jazasyz?» - dep surady «Kazahstanskaia pravda» gazetiniń tilshisi QR prezidenti Qasym-Jomart Toqaevtan Aqordadaǵy brifing barysynda.
«Iá, men kóp kitap jazdym. Olar tek Qazaqstanda ǵana emes, shet elderde de tanymal boldy. Negizi men jazǵandy, qolyma qalam ustaǵandy jaqsy kóremin. Aitpaqshy, men bala kúnimde jýrnalist bolýdy armandadym. Biraq olai bolmady. Diplomat boldym. Al, josparǵa keletin bolsam, qazir meniń shyǵarmashylyq janrda jazatyn ýaqytym joq. Biraq zeinetke shyqqanda men kitap jazamyn. Onyń aty «Bul qalai boldy?» nemese «Ótken men keleshek arasynda» dep atalatyn bolady», - dedi Memleket basshysy.
Aita keteiik, Qasym-Jomart Toqaev sailaý barysynda kandidattardyń barlyǵyna anyq múmkindikter jasalǵanyn aitqan bolatyn. Sonymen qatar, Memleket basshysy ulyqtaý rásiminiń qashan ótetinin aitty. Sondai-aq, Prezident Úkimet otstavkaǵa ketpeitinin, biraq kadrlyq taǵaiyndaý bolatynyn eskertti. Ol bilik tranziti jaily pikirin bildirdi.
