قازاقستاندا جاپپاي ەرەۋٸلدەر كەزٸندە بيزنەسٸنە زالال كەلگەن كەسٸپكەرلەرگە مەملەكەتتٸك تٶلەماقىنىڭ قاشان بەرٸلە باستايتىنى بەلگٸلٸ بولدى, دەپ حابارلايدى قازاقپارات.
«وسى اپتادا بارلىق ٶڭٸردەگٸ پالاتانىڭ كەڭەس جيىنى ٶتەدٸ. ول جيىندا 2 مەسەلە قاراستىرىلادى. بٸرٸنشٸ, اتامەكەننٸڭ بولاشاق دامۋىنا قاتىستى ۇسىنىستار. ەكٸنشٸ, كەسٸپكەرلەردٸڭ ٶز سۇراقتارى, بيزنەستٸ قالاي دامىتامىز, كەسٸپكەرلەردٸڭ ٷكٸمەتكە قانداي ۇسىنىس, سۇراقتارى بار. 17 ٶڭٸردە كەڭەس ٶتكەن سوڭ, جۇمىس توبى قۇرىلادى. وعان ەلٸمٸزدٸڭ ەر ٶڭٸرٸنەن 2 ادامنان سايلانادى. ودان بٶلەك, جۇمىس توبىنا قاتىسام دەگەن سالا ماماندارى مەن ساراپشىلار بولسا ەسٸك اشىق. اتالعان جۇمىس توبى 1-1,5 اي بويى وتاندىق كەسٸپكەرلٸكتٸ ٸلگەرٸلەتۋ ۇلتتىق پالاتانىڭ جۇمىسىن جەتٸلدٸرۋ جولىن ٸزدەيدٸ. جەنە ولاردىڭ جۇمىسى ەلەۋمەتتٸك جەلٸ ارقىلى اشىق جارييا ەتٸلەدٸ», - دەدٸ «اتامەكەن» ۇلتتىق كەسٸپكەرلەر پالاتاسىنىڭ باسقارما تٶراعاسى ابىلاي مىرزاحمەتوۆ Facebook پاراقشاسىنداعى تٸكەلەي ەفير بارىسىندا.
ونىڭ ايتۋىنشا, قازاقستاندا كەسٸپكەرلٸكتٸ دامىتۋعا ارنالعان ۇسىنىستار پالاتانىڭ كەزەكتٸ سەزٸندە قارالادى.
«قاڭتار وقيعاسى كەزٸندە كەسٸپكەرلٸككە ايتارلىقتاي زالال كەلدٸ. 1700-گە جۋىق كەسٸپكەرلٸك نىسان قيرادى, ونىڭ 92 پايىزى الماتى قالاسىنا تيەسٸلٸ. ٶز كەزەگٸمٸزدە جەدەل جەلٸ قۇرىپ, كەسٸپكەرلەرمەن بايلانىستى بولىپ, شۇعىل اقپارات الىپ وتىردىق. بٸزدٸڭ كولل-ورتالىققا 10 مىڭنان استام اقپارات كەلٸپ تٷستٸ. ونىڭ بەرٸن ٷكٸمەتكە تٸكەلەي جەتكٸزٸپ وتىردىق. سونداي-اق, بٸز ٷكٸمەتكە بيزنەسكە كەلگەن شىعىندى ٶتەۋ جولىنا قاتىستى ناقتى ۇسىنىس بەردٸك. ول ۇسىنىستاردى ٷكٸمەت جانىنان قۇرىلعان ارنايى كوميسسييا قاراپ, بەكٸتتٸ. جاپپاي تەرتٸپسٸزدٸكتەر كەزٸندە بيزنەسٸنە زالال كەلگەن جاندار infokazakhstan.kz سايتى ارقىلى ٶتٸنٸش قالدىرا الادى. بٷگٸندە سايت ارقىلى 195 ٶتٸنٸش كەلٸپ تٷستٸ, ونىڭ 88 پايىزى الماتىدان. كەسٸپكەرلەردٸڭ ٶتٸنٸشٸن قالالىق كوميسسييا قاراپ جاتىر. سوندىقتان الداعى 1 ايدىڭ ٸشٸندە كەسٸبٸنە زييان كەلگەن جاندار تٶلەماقى الا باستايدى دەگەن سەنٸمدەمٸز», - دەيدٸ ول.
