جاپونييادا كوروناۆيرۋس جۇقتىرۋ وقيعالارى بٷگٸن العاش رەت 1000-نان استى. COVID-19 جۇقتىرعاندار توكيونىڭ سىرتىندا كٶپ تٸركەلٸپ جاتىر, دەپ حابارلايدى "ۇلت اقپارات" Kyodo اگەنتتٸگٸنە سٸلتەمە جاساپ.
جاڭا جۇقتىرۋ وقيعالارىنىڭ رەكوردتىق كٶرسەتكٸشكە جەتكەنٸنە تۇرعىنى كٶپ پرەكفەكتۋرالار, ونىڭ ٸشٸندە ايتي مەن وساكادا سىرقاتتانعاندار سانىنىڭ ارتۋى سەبەپ بولدى. جاپونييادا 47 پرەفەكتۋرانىڭ ٸشٸندە بۇعان دەيٸن COVID-19 جۇقتىرۋ وقيعاسى تٸركەلمەگەن جالعىز يۆاتەدە بٷگٸن العاشقى ينفەكتسيياعا شالدىققان ادام انىقتالدى.
وساكا پرەفەكتۋراسى ٷكٸمەتٸ 221 كوروناۆيرۋس جۇقتىرۋ وقيعاسى تٸركەلگەنٸن مەلٸمدەدٸ.
وساكا سەكٸلدٸ ايتيدە دە COVID-19 جۇقتىرۋدىڭ تەۋلٸكتٸك رەكوردى تٸركەلدٸ. ەكٸنشٸ كٷن قاتارىنان 167 ۆيرۋس جۇقتىرۋ وقيعاسى انىقتالعان.
بٷگٸن توكيو بيلٸگٸ 250 ۆيرۋس جۇقتىرعان ادام تٸركەلگەنٸن حابارلادى. جاپونييا استاناسىندا سىرقاتتانعانداردىڭ جالپى سانى 11 861-گە جەتتٸ. ونىڭ جارتىسى وسى ايدا تٸركەلگەن.
ەلدەگٸ كوروناۆيرۋس جۇقتىرعاندار سانىنىڭ ٷشتەن بٸرٸ توكيونىڭ ٷلەسٸندە, وندا ينفەكتسيياعا شالدىققاندار سانى 33 900-دەن استى, ونىڭ 700-گە جۋىعى اقپاندا يوكوگاما پورتىندا كارانتينگە جابىلعان Diamond Princess كرۋيزدٸك لاينەرٸنە تيەسٸلٸ.
توكيو بيلٸگٸ بٸرنەشە اپتا بۇرىن ەڭ جوعارعى دابىل دەرەجەسٸن ەنگٸزگەن بولاتىن.
