قازاقستاننىڭ 6 بٸلٸم جەنە مەديتسينا مەكەمەسٸ جاپونييا ٷكٸمەتٸنٸڭ «شٶپ تامىرى» باعدارلاماسى اياسىندا 261942 مىڭ دوللار قايتارىمسىز كٶمەك الادى. مۇنداي گرانتتىق كٶمەك كەلٸسٸمشارتىنا بٷگٸن ەلوردادا جاپونييانىڭ قازاقستانداعى تٶتەنشە جەنە ٶكٸلەتتٸ ەلشٸسٸ يتيرو كاۆاباتا مەن اتالعان مەكەمە باسشىلارى قول قويدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«2016 قارجى جىلىنىڭ قورىتىندىسى بويىنشا جاپونييا ٷكٸمەتٸنٸڭ «شٶپ تامىرى» ادام قاۋٸپسٸزدٸگٸن قامتاماسىز ەتۋ جٶنٸندەگٸ ەلەۋمەتتٸك جوبالارعا ارنالعان قايتارىمسىز كٶمەك باعدارلاماسىمەن 6 جوبانىڭ گرانتتىق كەلٸسٸمشارتىنا قول قويۋ رەسٸمٸنە قوش كەلدٸڭٸزدەر! قول قويۋ ٷشٸن استاناعا شالعايدان كەلگەن قارجىلاي كٶمەك الۋشىلاردى كٶرگەنٸمە قۋانىشتىمىن. «شٶپ تامىرى» جوباسى - جاپونييا ٷكٸمەتٸ جٷزەگە اسىراتىن باعدارلاما. باستى ماقساتى - ٷكٸمەتتٸك ەمەس ۇيىمدار سىندى قارجىلىق ەمەس ۇيىمدارعا, مەديتسينالىق جەنە بٸلٸم بەرۋ مەكەمەلەرٸنە قولداۋ كٶرسەتۋ ارقىلى حالىقتىڭ از قامتىلعان ساناتتارىنىڭ ٶمٸرٸن جاقسارتۋ. 1997-2016 جىلدارى ارالىعىندا 19 جىل بويى جٷزەگە اسىرىلىپ كەلە جاتقان باعدارلاما اياسىندا ەلدٸڭ تٷرلٸ ٶڭٸرلەرٸندە جالپى سوماسى 5 ملن. 769 مىڭ دوللاردىڭ 79 جوباسى قارجىلاندىرىلدى», - دەدٸ شارا بارىسىندا يتيرو كاۆاباتا.
سونىمەن قاتار, ەلشٸ بٷگٸن قول قويىلعان 6 جوباعا دا كەڭٸنەن توقتالىپ ٶتتٸ.
«قىزىلوردا وبلىستىق تٷبەركۋلەزگە قارسى ساناتورييٸن مەديتسينالىق جابدىقتاۋ جوباسى اياسىندا 14 مەديتسينالىق قۇرال-جابدىق ساتىپ الىنادى. جامبىل وبلىسىنىڭ تالاس اۋداندىق ورتالىق اۋرۋحاناسىن دا تەحنيكالارمەن مەن قۇرال-جابدىقتارمەن جابدىقتاۋ جٷرگٸزٸلەدٸ. ال تالدىقورعان قالاسىنداعى مٷگەدەكتەردٸ سپورتتىق وڭالتۋ ورتالىعىنا 17 جاتتىعۋ قۇرىلعىلارىن الۋ كٶزدەلۋدە. ال سوڭعى ٷش جوبا مەكتەپتەردٸ جٶندەۋگە ارنالعان. نەتيجەسٸندە بٸلٸم وردالارىنىڭ ەسكٸ تەرەزەلەرٸ اۋىستىرىلىپ, سەمەي قالاسىنداعى №18 مەكتەبٸ, سەمەي قالاسى ماڭىنداعى جالپى بٸلٸم بەرەتٸن مەكتەبٸ جەنە سقو جٸتٸقارا اۋدانىنىڭ №1 ورتا مەكتەبٸ وقۋشىلارىنا ساپالى بٸلٸم الۋعا جاعداي جاسالادى», - دەدٸ ول.
ايتا كەتەيٸك, جاپونييا ٷكٸمەتٸ بٶلٸپ وتىرعان گرانتتىق كٶمەكتٸڭ 10905 دوللارى قىزىلوردا وبلىستىق تٷبەركۋلەزگە قارسى ساناتورييٸنە, 41093 دوللارى جامبىل وبلىسىنىڭ تالاس اۋداندىق ورتالىق اۋرۋحاناسىنا, 82818 دوللارى تالدىقورعان قالاسىنداعى مٷگەدەكتەردٸ سپورتتىق وڭالتۋ ورتالىعىنا, 65053 دوللارى سەمەي قالاسىنداعى №18, 37120 دوللارى سەمەي قالاسى ماڭىنداعى جالپى بٸلٸم بەرەتٸن مەكتەپكە جەنە 27793 دوللارى سقو جٸتٸقارا اۋدانىنىڭ №1 ورتا مەكتەبٸنە بەرٸلدٸ.
