شەتەلدٸك جۇمىس كٷشٸنە كۆوتا قىسقارسا, ەلدەگٸ جۇمىسسىزدار سانى دا ازايادى. ۇلتتىق قوعامدىق سەنٸم كەڭەسٸنٸڭ ەكٸنشٸ وتىرىسىندا پرەزيدەنت تاراپىنان ايتىلعان مەسەلەگە قاتىستى قوعام بەلسەندٸسٸ جەنٸبەك قوجىق وسىلاي پٸكٸر بٸلدٸردٸ, دەپ حابارلايدى "ۇلت اقپارات".
ەسكە سالا كەتسەك, جەنٸبەك قوجىق — ٶزٸ دە سول ۇلتتىق كەڭەس مٷشەسٸ. وسىعان وراي ول شەتەلدٸك جۇمىسشىلار جەنە ەلدەگٸ جۇمىسسىزدىق مەسەلەسٸ بۇعان دەيٸنگٸ وتىرىس اياسىندا كٶتەرٸلگەنٸن اتاپ ٶتەدٸ. جەنٸبەك قوجىقتىڭ ايتۋىنشا, ۇلتتىق كەڭەس جۇمىسىن سىنايتىندار دا, قۇپتايتىندار دا بارشىلىق. بۇل, ەرينە, زاڭدىلىق, قوعامداعى وي مەن پٸكٸردٸڭ ەركٸندٸگٸ. سوندىقتان دا ول بارلىق پٸكٸرلەرگە تٷسٸنٸستٸكپەن قارايتىنىن العا تارتادى.
«ەڭ باستىسى ەلٸمە, جەرٸمە, قاراپايىم اۋىل حالقىنا سەل دە بولسا پايدام تيسٸن دەگەن ماقساتپەن وسى كەڭەسكە كٸردٸم. مەن اۋىلدا تۇرامىن, اۋىل حالقىنىڭ ەڭ باستى مەسەلەسٸ - جۇمىسسىزدىق. جاستار جۇمىس ٸزدەپ قالاعا كٶشۋدە, سوعان قاراعاندا قالانىڭ جاعدايى, اۋىلعا قاراعاندا شٷكٸر بولار دەپ ويلايمىن», - دەپ جازادى جەنٸبەك قوجىق ەلەۋمەتتٸك جەلٸدە.
ۇلتتىق كەڭەستٸڭ العاشقى وتىرىسى 6 قىركٷيەكتە ٶتكەن بولاتىن. وندا جەنٸبەك قوجىق تا جۇمىسسىزدىق مەسەلەسٸن جەنە ونى ازايتۋدىڭ جولدارى تۋرالى مەسەلە كٶتەرگەن ەكەن.
«ەڭ باستىسى, شەتەلدەن كەلەتٸن جۇمىسشىلارعا بەرٸلەتٸن كۆوتانىڭ سانىن قىسقارتۋ, زاڭسىز كەلگەندەرٸن ەلدەن شىعارۋ, ولاردىڭ ورنىنا جۇمىسسىز جٷرگەن جاستاردى جۇمىسقا قابىلداۋدى سۇراعان بولاتىنمىن. ۇلتتىق كەڭەستٸڭ 20 جەلتوقسانداعى ٶتكەن ەكٸنشٸ وتىرىسىندا مەملەكەت باسشىسى قاسىم-جومارت توقاەۆ مىرزا شەتەلدەن كەلەتٸن جۇمىسشىلارعا بەرٸلەتٸن كۆوتانىڭ سانىن قىسقارتىپ, ولارعا قويىلاتىن تالاپتاردى كٷشەيتٸپ, بۇل جاعدايدى قاتاڭ باقىلاۋعا الاتىنىن ايتتى», - دەدٸ ول.
جەنٸبەك قوجىقتىڭ ويىنشا, سول قىسقارعان شەتەلدٸك جۇمىسشىلاردىڭ ورنىنا جۇمىسسىز جٷرگەن مىڭداعان جاستار جۇمىسقا كٸرەتٸن بولادى.
«بۇل تەڭٸزگە تامعان تامشىداي بولسا دا ەلگە تيگەن پايدا عوي. سوندىقتان دا ۇلتتىق كەڭەسكە كٸرگەنٸم ٷشٸن, ەزٸرگە, ٶكٸنبەيمٸن. مٷمكٸندٸگٸڭ بولىپ تۇرعاندا ۇلتتىق كەڭەستٸ ەلدٸڭ مٷددەسٸنە نەگە پايدالانباسقا, نەگە ەلدٸڭ اماناتىن بيلٸككە تۋرا ايتپاسقا?! ەلدە دە تالاي ايتار ۇسىنىستارىم, ماڭىزدى مەسەلەلەرٸم بار»,-دەپ جازدى قوعام بەلسەندٸسٸ.
