اقمولا وبلىسىندا جەنٸبەك حاننىڭ ورتاعاسىرلىق كەسەنەسٸنٸڭ قيراندىلارىن عىلىمي-زەرتتەۋ جۇمىستارى اياقتالۋعا جاقىن. ارحەلوگييالىق قازبا جۇمىستارى كەزٸندە تابىلعان زاتتار جاپونيياعا گەنەتيكالىق ساراپتامادان ٶتكٸزۋگە جٸبەرٸلدٸ. بۇل تۋرالى وبلىستىق مەدەنيەت, ارحيۆتەر مەن قۇجاتتامالار باسقارماسى باسشىسىنىڭ مٸندەتٸن اتقارۋشى گٷلميرا بەكنازاروۆا جۋرناليستەرمەن ٶتكەن بريفينگتە ايتتى, دەپ حابارلايدى قازاقپارات.
«2018 جىلى وبلىستىق مۋزەيگە ارحەولوگييالىق قازبا جۇمىستارىن جٷرگٸزۋ ٷشٸن بەرٸلگەن ليتسەنزييانىڭ ارقاسىندا قورعالجىن اۋدانى اۋماعىندا ورنالاسقان جەنٸبەك حاننىڭ ورتاعاسىرلىق كەسەنەسٸنٸڭ قيراندىلارىن عىلىمي-زەرتتەۋ بويىنشا قولعا الىنعان جۇمىستار اياقتالۋعا تاياۋ. بۇل جوباعا 2019 جىلى وبلىس ەكٸمدٸگٸ تاراپىنان قارجىلاي قولداۋ كٶرسەتٸلدٸ», - دەيدٸ اقمولا وبلىسىنىڭ مەدەنيەت, ارحيۆتەر مەن قۇجاتتامالار باسقارماسى باسشىسىنىڭ مٸندەتٸن اتقارۋشى گٷلميرا بەكنازاروۆا.
باسقارما باسشىسى اتاپ ٶتكەندەي, كەسەنەنٸ زەرتتەۋ جۇمىستارى 2 كەزەڭمەن جٷرگٸزٸلگەن. جەنٸبەك-شالقار كەسەنەسٸنٸڭ قيراندىلارىنان تابىلعان زاتتاردى جان-جاقتى زەرتتەگەننەن كەيٸن عالىمدار وسىندا حان ەۋلەتٸنٸڭ ٶكٸلدەرٸ جەرلەنگەن دەگەن قورىتىندىعا كەلگەن.
«تابىلعان ارحەولوگييالىق جەدٸگەرلەر نۇر-سۇلتانداعى قازاقستان رەسپۋبليكاسىنىڭ ۇلتتىق مۋزەيٸنە ٶتكٸزٸلٸپ, سودان كەيٸن رەسەيدەگٸ انتروپولوگييالىق كٶرٸنٸستٸ انىقتاۋ ٷشٸن جاپونيياعا گەنەتيكالىق ساراپتاماعا جٸبەرٸلدٸ. زەرتتەۋ قورىتىندىسى بيىلعى جىلدىڭ سوڭىندا شىعارىلادى. بٸراق بٸز قازٸردٸڭ ٶزٸندە تاريحي سەنساتسييانىڭ الدىندا تۇرمىز دەپ ٷمٸتتەنەمٸز», - دەپ تولىقتىردى گٷلميرا بەكنازاروۆا.
ايتا كەتەيٸك, وبلىستاعى 11 مۇراجاي ٶز جوبالارىن ٸسكە اسىرۋدى توقتاتقان جوق. اعىمداعى كەزەڭدە 1 595 ەكسكۋرسييا, 439 دەرٸس, 238 كٶرمە ۇيىمداستىرىلىپ, 936 مۇراجاي زاتتارى الىنىپ, ٶڭدەلگەن.
