جاڭارتىلاتىن ەنەرگەتيكانى دامىتۋ ٷشٸن قولايلى جاعداي جاسالادى. بۇل قادامدار بٷگٸن سەناتتىڭ جالپى وتىرىسىندا قابىلدانعان «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جاڭارتىلاتىن ەنەرگييا كٶزدەرٸن پايدالانۋدى قولداۋ جەنە ەلەكتر ەنەرگەتيكاسى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭىندا قامتىلعان, دەپ حابارلايدى "ۇلت اقپارات".
زاڭ جوباسى پارلامەنت دەپۋتاتتارىنىڭ باستاماشىلىعىمەن ەزٸرلەندٸ.
«جاڭارتىلاتىن ەنەرگەتيكانى دامىتۋ ٷشٸن قولايلى جاعدايلار جاساۋ كٶزدەلگەن. بۇل ماقساتتا ۇسىنىلىپ وتىرعان شارالاردىڭ قاتارىندا جاڭارتىلاتىن ەنەرگييا كٶزدەرٸنٸڭ ەلەكتر ەنەرگيياسىن ساتىپ الۋعا ارنالعان كەلٸسٸمشارتتىڭ قولدانىلۋ مەرزٸمٸن 15 جىلدان 20 جىلعا دەيٸن ۇلعايتۋ ۇسىنىلادى. ول ينۆەستورعا اۋكتسيوندىق ساۋدا-ساتتىقتا نەعۇرلىم تٶمەن تاريفتەردٸ ۇسىنۋعا جاعداي جاسايدى. بۇل ٶز كەزەگٸندە تۇتىنۋشىلاردىڭ شىعىندارىن تٶمەندەتۋگە مٷمكٸندٸك بەرەدٸ», - دەدٸ قۇجات بويىنشا بايانداما جاساعان پارلامەنت مەجٸلٸسٸنٸڭ دەپۋتاتى شاۆحات ٶتەمٸسوۆ.
سونىمەن قاتار, زاڭ جوباسىندا جاڭارتىلاتىن ەنەرگييا كٶزدەرٸ جوبالارى الدىنداعى تٶلەمدەر بويىنشا ٶز مٸندەتتەسٸن ورىنداماعان جاعدايدا, ٷكٸمەت تاراپىنان قارجى-ەسەپ ايىرىسۋ ورتالىعىنا كٶمەك كٶرسەتۋ تۋرالى نورما ەنگٸزٸلگەن.
ونىڭ ايتۋىنشا, كەلەسٸ تۇجىرىمدامالىق ۇسىنىس قارجى-ەسەپ ايىرىسۋ ورتالىعى ارقىلى تاسقىندىق ەلەكتر ەنەرگيياسىن ورتالىقتاندىرىلعان ساتىپ الۋ-ساتۋدى ەندٸرۋگە ارنالعان.
«قولدانىستاعى «ەلەكتر ەنەرگەتيكاسى تۋرالى» زاڭعا سەيكەس, گيدروەلەكترستانسالار تابيعاتتى قورعاۋ ٷشٸن سۋ جٸبەرۋ كەزەڭٸندە ٶندٸرٸلەتٸن ەلەكتر قۋاتىن ورتالىقتاندىرىلعان ساۋدا-ساتتىقتا ساتۋعا مٸندەتتٸ. بۇل رەتتە, تاسقىندىق ەلەكتر ەنەرگيياسى باعاسىن مەملەكەت رەتتەمەيتٸن ترەيدەرلەر ساتىپ الادى. جٷيەلٸك وپەراتوردىڭ دەرەكتەرٸ بويىنشا كٶكتەمگٸ سۋ تاسقىنى كەزٸندەگٸ سۋ تاسقىنى ەلەكتر ەنەرگيياسىنىڭ جىل سايىنعى كٶلەمٸ ورتا ەسەپپەن 300 ملن كۆت/س قۇرايدى. ورتالىقتاندىرىلعان ساۋدا-ساتتىقتا ترەيدەرلەر 1 كۆت/ساع ٷشٸن 2-3 تەڭگە شەگٸندە تاسقىن ەلەكتر ەنەرگيياسىن ساتىپ الادى جەنە ەكٸ-ٷش ەسە قىمبات ساتادى», - دەدٸ ش. ٶتەمٸسوۆ.
وسىعان بايلانىستى, گيدروەلەكترستانسالاردىڭ تاسقىندىق ەلەكتر ەنەرگيياسىن «كەگوك» كومپانيياسىنا قارايتىن قارجى-ەسەپ ورتالىعىنا ساتۋ مٸندەتٸن زاڭنامالىق تٷردە بەكٸتۋ ۇسىنىلدى. ول ٶز كەزەگٸندە وسى قىمبات ەمەس تاسقىندىق ەلەكتر ەنەرگيياسىن ەلدٸڭ بارلىق تۇتىنۋشىلارى اراسىندا بٶلەدٸ.
«زاڭ جوباسى مانەۆرلٸك قۋاتتار كٶلەمٸن جەنە جاڭارتىلاتىن ەنەرگييا كٶزدەرٸنٸڭ ٷلەسٸن ۇلعايتۋ ٷشٸن قولايلى جاعداي جاساۋعا مٷمكٸندٸك بەرەدٸ دەگەن ويدامىز», - دەدٸ مەجٸلٸس دەپۋتاتى.
