فوتو: inform.kz
ەلٸمٸزدە جانارماي قىمباتتاسا, ازىق-تٷلٸك باعاسى ٶسە مە? بۇل ساۋالعا پرەمەر-مينيستردٸڭ ورىنباسارى – ساۋدا جەنە ينتەگراتسييا مينيسترٸ سەرٸك جۇمانعارين جاۋاپ بەردٸ, دەپ حابارلايدى قازاقپارات.
«باعا ٶسٸمٸ تاۋاردىڭ تٷرٸنە قاراي ەسەر ەتەدٸ. جەڭٸل تاۋار بولسا اسا قىمباتتامايدى, ٸرٸ ٶنٸمدەرگە باعا تيٸسٸنشە ٶسۋٸ مٷمكٸن. جانار-جاعارماي باعاسى ٶسكەن جاعدايدا, مىسالى قانتقا ەسەرٸ - 5 پايىز, ال كٷنباعىس مايى - 2,4 پايىزعا ٶسەدٸ دەگەن بولجام بار. شامامەن 15-17 تەڭگەگە قىمباتتاۋى مٷمكٸن. تاعى بٸر ايتا كەتەرلٸگٸ, تاۋار ٶندٸرۋشٸ ٸرٸ كەسٸپورىندار قازٸر بەنزين, ديزەلمەن جۇمىس ٸستەمەيدٸ. ولار گازعا كٶشكەن. ال گازدىڭ باعاسى ەزٸر ٶسپەيدٸ», - دەدٸ سەرٸك جۇمانعارين ٷكٸمەت وتىرىسىنان كەيٸن باق ٶكٸلدەرٸنٸڭ ساۋالىنا جاۋاپ بەرە تۇرىپ.
ونىڭ ايتۋىنشا, جانار-جاعارماي باعاسىنىڭ ٶسۋٸ ازىق-تٷلٸك قۇنىنىڭ ارتۋىنا ايتارلىقتاي ەسەر ەتپەيدٸ.
«بيىل كٷزگٸ ەگٸس جۇمىستارىنا 413 مىڭ توننا ديزەل وتىنى بٶلٸندٸ. ول ارزانداتىلعان باعامەن ليترٸ 204 تەڭگە بولادى. بۇل باعا ٶزگەرمەيدٸ. سوندىقتان جانار-جاعارماي باعاسىنىڭ ٶسۋٸ ازىق-تٷلٸكتٸڭ قىمباتتاۋىنا اسا ەسەر ەتپەيدٸ. قازٸر ەلٸمٸزدە باعا تۇراقتى, وسى ورايدا بٸردەن ٶسٸرۋگە نەگٸز كٶرمەي تۇرمىن. ونىڭ ٷستٸنە بٸزدە ازىق-تٷلٸك قورى بار», - دەيدٸ ول.
