جانار-جاعارماي نارىعىنداعى ٶنٸمسٸز دەلدالداردىڭ سانى ازايتىلادى. بۇل تۋرالى ٷكٸمەت وتىرىسىندا قر ۇلتتىق ەكونوميكا مينيسترٸ ەلٸبەك قۋانتىروۆ ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرماسىمەن مينيسترلٸك باعانىڭ ٶسۋٸنە جول بەرمەۋ ماقساتىندا مٷددەلٸ مەملەكەتتٸك ورگاندارمەن بٸرلەسٸپ, 2022-2024 جىلدارعا ارنالعان ينفلياتسييانى باقىلاۋ جەنە تٶمەندەتۋ بويىنشا ٸس-شارالار كەشەنٸن ەزٸرلەدٸ. ول ٶنٸم ٶندٸرۋ كٶلەمٸن ۇلعايتۋعا, ساقتاۋ مەن لوگيستيكاعا, بٶلشەك ساۋداعا, باعا بەلگٸلەۋدٸ باقىلاۋعا, مونوپوليياعا قارسى جەنە سىرتقى ساۋدانى رەتتەۋگە باعىتتالعان جەدەل جەنە ورتا مەرزٸمدٸ سيپاتتاعى 61 ٸس-شارادان تۇرادى. ينفلياتسييانى باقىلاۋ جەنە تٶمەندەتۋ بويىنشا شارالار كەشەنٸن ٸسكە اسىرۋدىڭ ماقساتى – ينفلياتسييانى 2022 جىلى 4-6 پايىز دەلٸزٸندە ۇستاپ تۇرۋ جەنە ونى 2025 جىلعا قاراي 3-4 پايىز دەڭگەيگە دەيٸن تٶمەندەتۋ», - دەدٸ مينيستر.
ونىڭ اتاپ ٶتۋٸنشە, بۇل ٸس-شارالار ازىق-تٷلٸك قاۋٸپسٸزدٸگٸن قامتاماسىز ەتۋ جوسپارىن قابىلداۋدى, تۇراقتاندىرۋ قورلارىنىڭ جٷكتەمەسٸن قامتاماسىز ەتۋدٸ, ەلەۋمەتتٸك ماڭىزى بار ازىق-تٷلٸك تاۋارلارىن ٶتكٸزۋشٸلەر ٷشٸن جالداۋ اقىسىن تٶمەندەتۋدٸ, ەلەۋمەتتٸك ماڭىزى بار ازىق-تٷلٸك تاۋارلارى, جانار-جاعارماي, كٶمٸر, ەلەكتر ەنەرگيياسى, دەرٸلٸك پرەپاراتتار جەنە تاعى باسقالارعا باعالاردىڭ ٶسۋٸن تەجەۋدٸ قامتيدى.
«جٷيەلٸ ٸس-شارالار اياسىندا جانار-جاعارماي نارىعىنداعى ٶنٸمسٸز دەلدالداردىڭ سانىن ازايتۋ جوسپارلانۋدا. حالىقتىڭ ەلەۋمەتتٸك وسال توپتارىن قولداۋ ماقساتىندا ولاردى كوممۋنالدىق تٶلەمدەردٸ تٶلەۋ كەزٸندە جەكە توپقا بٶلۋ پراكتيكاسى ەنگٸزٸلەتٸن بولادى», - دەدٸ ەلٸبەك قۋانتىروۆ.
