جاڭاٶزەنگە جەتكەن نارازى مۇنايشىلار "ٶزەنمۇنايگاز" الدىنا جينالدى

ۆيدەودان الىنعان كادر

14 سەۋٸردە استانادان ماڭعىستاۋعا جەتكەن بٸر توپ مۇنايشى "ٶزەنمۇنايگاز" كومپانيياسىنىڭ الدىنا كەلٸپ, نارازىلىقتى جالعاستىردى. ولار ۆيدەوٷندەۋدە تالاپتارى ورىندالمايىنشا, سول ماڭنان كەتپەيتٸنٸن مەلٸمدەدٸ, دەپ حابارلايدى ازاتتىق راديوسى.

– بٸز استانادان امان-ەسەن ٷيٸمٸزگە ورالدىق. ناقتى شەشٸم شىققان جوق. بٸز قالعان جٸگٸتتەر [استانادان] كەلگەنشە, شەشٸم شىقپايىنشا, "ٶزەنمۇنايگاز" عيماراتى الدىندا بولامىز, – دەيدٸ مۇنايشىلاردىڭ بٸرٸ. 

ال, بٸر كٷن بۇرىن ولار ستانتسييالاردىڭ بٸرٸنەن ۆيدەومەلٸمدەمە جولداپ, تالاپتارى ورىندالماسا, استاناعا بارۋعا دايىن ەكەنٸن حابارلاعان ەدٸ.

ايتا كەتەيٸك, 13 سەۋٸردە مۇنايشىلاردىڭ 10 ٶكٸلٸ مەن "قازمۇنايگاز" اراسىندا كەلٸسسٶز باستالعان. جۇمىسشىلار ورتاق شەشٸمگە كەلە الماعانىن جەنە الدانعانىن ايتقان.

14 سەۋٸردە كٷندٸز "قازمۇنايگاز" ۇلتتىق كومپانيياسى حابارلاما تاراتىپ, كەلٸسسٶزدٸڭ بارىسى تۋرالى اقپارات بەردٸ.

قمگ ٶكٸلدەرٸنٸڭ ايتۋىنشا, "بەرەلٸ ماڭعىستاۋ Company" مەكەمەسٸنٸڭ بۇرىنعى جۇمىسشىلارى ٶزدەرٸن "ٶزەنمۇنايگازعا" شتاتقا الۋدى تالاپ ەتكەن. كومپانييانىڭ ايتۋىنشا, "بۇل تالاپتى ورىنداۋ مٷمكٸن ەمەس, سەبەبٸ جۇمىسقا كەزەككە 9 مىڭ ادام تۇر".

نارازىلار سونىمەن بٸرگە مەردٸگەر كومپانييالارمەن كەلٸسٸمدٸ ۇزاق مەرزٸمگە جاساۋدى تالاپ ەتكەن. قمگ كەلٸسٸمشارتتى "3+2"سحەماسى (ٷش جىلدىق كەلٸسٸم, قوسىمشا 2 جىلعا سوزۋعا بولادى) بويىنشا ەزٸرلەۋگە دايىن ەكەنٸن بٸلدٸرگەن.

قمگ ەڭبەكتٸ قورعاۋ مەن ۇيىمداستىرۋ, بٸرىڭعاي تاريف-بٸلٸكتٸلٸك انىقتاماسىن قولدانۋ, تەندەر پروتسەدۋرالارى مەسەلەلەرٸ بويىنشا تەۋەلسٸز كوميسسييا قۇرۋدى قولعا الاتىنىن حابارلادى. كەلٸسسٶز جالعاسىپ جاتىر.

ەسكە سالايىق, 11 سەۋٸردە كەشكٸسٸن پوليتسييا جاڭاٶزەن قالاسىنان تۇراقتى جۇمىس بەرۋدٸ تالاپ ەتٸپ استاناعا ارنايى كەلگەن ونداعان مۇنايشىنى ەنەرگەتيكا مينيسترلٸگٸ عيماراتىنىڭ الدىنان كٷشتەپ الىپ كەتكەن. تٷنٸ بويى پوليتسييا بٶلٸمٸندە بولعان مۇنايشىلاردىڭ كٶبٸ 12 سەۋٸردە تاڭەرتەڭ پويىزبەن ماڭعىستاۋعا قايتقان. ولاردىڭ 10 ٶكٸلٸ استانادا قالىپ, 13 سەۋٸردە كٷندٸز "قازمۇنايگازبەن" كەلٸسسٶزدٸ جالعاستىراتىنى حابارلانعان.