ۆيدەودان الىنعان كادر
جاڭاٶزەن قالاسىنىڭ ەكٸمٸ ايبەك قوسۋاقوۆ الاڭعا جينالعان تۇرعىندارعا ٷندەۋ جاسادى, دەپ حابارلايدى "ۇلت اقپارات" ماڭعىستاۋ وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
"بٷگٸن, 11 سەۋٸردە جاڭاٶزەن قالاسىنىڭ ەكٸمدٸگٸ الدىنداعى الاڭعا جينالعان جاڭاٶزەن قالاسىنىڭ تۇرعىندارىنا تٷسٸندٸرمە جۇمىستارى جٷرگٸزٸلدٸ. سونداي-اق, قالا ەكٸمٸ جينالعاندارعا بەينە ٶتٸنٸش جاسادى" - دەلٸنگەن حابارلامادا.
"قۇرمەتتٸ جاڭاٶزەن قالاسىنىڭ تۇرعىندارى, قادٸرلٸ جەرلەستەر!
بٷگٸن بارلىعىڭىز ەلەۋمەتتٸك جەلٸدەن جەرلەستەرٸمٸزدٸڭ استانا قالاسىندا نارازىلىق اكتسيياسىن ۇيىمداستىرىپ, پوليتسييا بٶلٸمٸنە جەتكٸزٸلگەنٸ تۋرالى اقپاراتتى كٶرٸپ وتىرسىزدار.
قۇقىق قورعاۋ ورگاندارى ٶكٸلدەرٸنٸڭ ايتۋىنشا, جەرلەستەرٸمٸزدٸڭ جاعدايى جاقسى. ولارعا قولدانىستاعى زاڭناما شەڭبەرٸندە ەكٸمشٸلٸك شارالار قابىلداناتىن بولادى.
ەكٸمدٸك تۇراقتى نەگٸزدە قالا اۋماعىندا جاڭا جۇمىس ورىندارىن قۇرۋ, جۇمىسسىز ازاماتتاردى تۇراقتى جۇمىسپەن قامتاماسىز ەتۋ بويىنشا شارالار قابىلداۋدا.
استانادا نارازىلىق بٸلدٸرگەن ازاماتتارمەن الدىن الا كەلٸسسٶزدەر جٷرگٸزٸلدٸ. بۇرىن تەندەردەن جەڭٸلگەن كومپانييادا جۇمىس ٸستەگەندەرگە ەڭبەك جاعدايلارى مەن جالاقىلارىن ساقتاي وتىرىپ, تەندەردٸ جەڭٸپ العان كومپانيياعا اۋىسۋ ۇسىنىلدى. بٸراق ۇسىنىس قابىلدانبادى.
قاسيەتتٸ رامازان ايىندا مەن بارشاڭىزدى سابىرلىققا شاقىرامىن! مەسەلەنٸڭ مەنٸن بٸلمەي, ەموتسييالارعا بەرٸلمەۋلەرٸڭٸزدٸ جەنە ارانداتۋشىلاردىڭ سٶزٸنە ەرٸپ, قانداي دا بٸر زاڭسىز ەرەكەتتەرگە بارماۋلارىڭىزدى سۇرايمىن!" - دەدٸ ايبەك قوسۋاقوۆ.
ايتا كەتەيٸك, تۇراقتى جۇمىس تالاپ ەتٸپ, استاناداعى ەنەرگەتيكا مينيسترلٸگٸ عيماراتىنىڭ الدىندا نارازىلىق بٸلدٸرگەن جاڭاٶزەندٸك مۇنايشىلاردى 11 سەۋٸردە كەشكٸسٸن پوليتسييا مەن ارنايى جاساق كٷشتەپ ۇستاپ ەكەتتٸ.
كەيٸن "بەرەلٸ ماڭعىستاۋ Company" كەسٸپورنى جۇمىسشىلارىنىڭ ٶكٸلدەرٸ جولمۇرات ۇلىقپانوۆ پەن نۇرسۇلتان نۇرىمۇلى ٷندەۋ جاساپ, جاڭاٶزەندەگٸ قولداۋشىلارىن زاڭسىز ەرەكەتكە بارماۋعا جەنە ٷيلەرٸنە قايتۋعا شاقىردى.
