15 ناۋرىزدا جاڭا زەلانديياداعى ەكٸ مەشٸتكە جاسالعان شابۋىلدان 49 ادام قازا تاۋىپ, 20 ادام جارالاندى. بۇل تۋرالى ەلدٸڭ پرەمەر-مينيسترٸ دجاسيندا اردەن حابارلادى.
پرەمەر اردەن بۇل وقيعانى "تەراكت" دەپ اتادى.
شابۋىل كرايستچەرچ قالاسىنىڭ ورتاسىنداعى ەل-نۇر مەشٸتٸ مەن شاھار ٸرگەسٸندەگٸ مەشٸتكە جاسالعان. ەل-نۇردا – 30, لينۆۋدتەگٸ مەشٸتتە 10 ادام قازا تاپقان.
كٷدٸكتٸنٸڭ بٸرٸ مەشٸتتەگٸ ادامدار ناماز وقىپ جاتقاندا كٸرٸپ كەلگەن. "قولىندا ٷلكەن تاپانشا بولدى. كٸردٸ دە ادامدارعا شەتٸنەن اتا بەردٸ" دەيدٸ شابۋىل كەزٸندە قاشىپ ٷلگەرگەن احماد ەل-ماحمۋد ەسٸمدٸ ازامات.
جاڭا زەلاندييا پرەمەر-مينيسترٸنٸڭ ايتۋىنشا, كٷدٸكتٸ رەتٸندە قاماۋعا الىنعان تٶرت ادام ەسترەميستٸك كٶزقاراستا بولعان, بٸراق پوليتسييا ەسەبٸنە الىنباعان.
اۆسترالييا پرەمەر-مينيسترٸ سكوتت مورريسون ۇستالعانداردىڭ بٸرٸ - برەنتون تاررانت ەسٸمدٸ اۆسترالييالىق ازامات ەكەنٸن راستادى. شابۋىلدى موينىنا العان ازامات مانيفەستٸندە ٶزٸن "28 جاستاعى اق اۆسترالييالىق" دەپ اتاپ, "جاڭا زەلانديياعا شابۋىلدى ۇيىمداستىرۋ ٷشٸن عانا كەلگەنٸن" ايتقان.
The New Zealand Herald مەلٸمەتٸنشە, 28 جاستاعى تاررانت اتىس باستالاردان بۇرىن جەنە وقيعا ٷستٸندە 17 مينۋت بويى ەلەۋمەتتٸك جەلٸدە تٸكەلەي ەفير جٷرگٸزگەن. ودان بۇرىن "مانيفەست" جارييالاپتى. تەراكت ۇيىمداستىردى دەگەن كٷدٸكتٸنٸڭ Twitter جەلٸسٸندەگٸ پاراقشاسى بۇعاتتالعان.
پرەمەر-مينيسترٸ دجاسيندا اردەرن "مۇنداي جاعداي بۇرىن-سوڭدى بولعان ەمەس. بٷگٸن – ەل تاريحىنداعى ەڭ قايعىلى كٷندەردٸڭ بٸرٸ" دەپ مەلٸمدەدٸ.
ايتا كەتەيٸك, بۇدان بۇرىن 27 ادامنىڭ قۇربانى بولعانى حابارلانعان ەدٸ, كەيٸن ولاردىڭ سانى 40-قا جەتٸپ, ال سوڭعى دەرەكتەر بويىنشا, 49 ادام تەرروريستەردٸڭ قولىنان اجال قۇشىپتى. سونىمەن بٸرگە 48 قالا تۇرعىنى زارداپ شەككەن.
