قر ساۋدا جەنە ينتەگراتسييا مينيسترلٸگٸ 2021 جىلعى 1 شٸلدەدەن باستاپ «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» قر كودەكسٸنٸڭ 110-بابى 2-تارماعىنىڭ 16) تارماقشاسى كٷشٸنە ەنگەنٸن ەسكە سالدى, دەپ حابارلايدى قازاقپارات مينيسترلٸكتٸڭ باسپاسٶز قىزمەتٸنە سٸلتەمە جاساپ.
اتالمىش زاڭ تالابى تەمەكٸ بۇيىمدارىن, ونىڭ ٸشٸندە قىزدىرىلاتىن تەمەكٸسٸ بار بۇيىمداردى, كاليانعا ارنالعان تەمەكٸنٸ, كاليان قوسپاسىن, تەمەكٸنٸ قىزدىرۋعا ارنالعان جٷيەلەردٸ, ەلەكتروندىق تۇتىنۋ جٷيەلەرٸن جەنە ولارعا ارنالعان سۇيىقتىقتاردى (تەمەكٸ ٶنٸمدەرٸ) ولاردى ورنالاستىرىپ جەنە اشىق كٶرسەتە وتىرىپ ساتۋعا تىيىم سالادى.
مينيسترلٸكتٸڭ باسپاسٶز قىزمەتٸنٸڭ حابارلاۋىنشا, ساۋدا جەلٸلەرٸندە زاڭنامانىڭ وسى نورمالارى جٷيەلٸ تٷردە بۇزىلادى.
«وسىعان بايلانىستى, ساۋدا مينيسترلٸگٸ ەكٸمدٸكتەرگە, سونداي-اق «اتامەكەن» قر ۇلتتىق كەسٸپكەرلەر پالاتاسىنا, ساۋدا جەلٸلەرٸ وداعىنا, ساۋدا كەسٸپورىندارى مەن شاعىن ماركەتتەر قاۋىمداستىعىنا ساۋدا قىزمەتٸ سۋبەكتٸلەرٸنٸڭ نازارىنا تٷسٸندٸرۋ اقپاراتىن جەتكٸزۋ, سونداي-اق تەمەكٸ ٶنٸمدەرٸن ورنالاستىرۋ جەنە ساتۋ كەزٸندە زاڭنامانى بۇزۋعا جول بەرمەۋ ماقساتىندا قاجەتتٸ شارالار قابىلداۋ قاجەتتٸلٸگٸ تۋرالى حات جولدادى.
سونىمەن بٸرگە, تەمەكٸ ٶنٸمدەرٸ تۋرالى اقپارات ساتىپ الۋشىلاردىڭ نازارىنا مەتٸنٸ بٸر ساۋدا ورنىنا كٶلەمٸ 40ح30 سانتيمەتردەن اسپايتىن اق فوندا قارا تٷستٸ بٸردەي مٶلشەردەگٸ ەرٸپتەرمەن ورىندالعان جەنە قانداي دا بٸر گرافيكالىق بەينەلەر مەن سۋرەتتەردٸ پايدالانباي ساتىلاتىن تەمەكٸ ٶنٸمدەرٸنٸڭ باعاسىن كٶرسەتە وتىرىپ, ەلٸپبيلٸك تەرتٸپپەن جاسالعان ساتىلاتىن ٶنٸمنٸڭ تٸزبەسٸن ورنالاستىرۋ ارقىلى جەتكٸزٸلەتٸنٸن قوسىمشا تٷسٸندٸرەمٸز», - دەلٸنگەن حابارلامادا.
ساۋدا نىسانىندا ساتىپ الۋشىعا تەمەكٸ ٶنٸمٸن كٶرسەتۋ, ساتىلاتىن تەمەكٸ ٶنٸمٸنٸڭ تٸزبەسٸمەن تانىسقاننان كەيٸن ونىڭ تالاپ ەتۋٸ بويىنشا جٷزەگە اسىرىلۋى مٷمكٸن.
سونداي-اق, اقپارات تۋرالى, تەمەكٸ جەنە تەمەكٸ بۇيىمدارى تۋرالى, تەمەكٸ جەنە تەمەكٸ بۇيىمدارىن ساتۋ جٶنٸندەگٸ, سونداي-اق تەمەكٸ بۇيىمدارىن يميتاتسييالايتىن تاۋارلاردى, ونىڭ ٸشٸندە قىزدىرىلاتىن تەمەكٸسٸ بار بۇيىمداردى ٶندٸرۋ, ساتۋ جەنە تاراتۋ جٶنٸندەگٸ زاڭنامانىڭ تالاپتارىن بۇزعانى ٷشٸن «ەكٸمشٸلٸك قۇقىق بۇزۋشىلىق تۋرالى» قر كودەكسٸنٸڭ (ەقبتك) 198 جەنە 199-باپتارى شەڭبەرٸندە ەكٸمشٸلٸك جاۋاپكەرشٸلٸك كٶزدەلگەنٸن اتاپ ٶتەمٸز.
بۇل رەتتە, ەقبتك-نٸڭ 198-بابى بويىنشا ٸستەردٸ قاراۋ ٸشكٸ ٸستەر ورگاندارىنىڭ قۇزىرەتٸنە, 199-بابى بويىنشا - وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ, وبلىستىق ماڭىزى بار قالانىڭ جەرگٸلٸكتٸ اتقارۋشى ورگاندارىنىڭ قۇزىرەتٸنە جاتادى.
198-باپتى بۇزعانى ٷشٸن ايىپپۇل سانكتسييالارى كەسٸپكەرلٸك سۋبەكتٸسٸنٸڭ نىسانىنا جەنە بۇزۋشىلىقتاردىڭ قايتالانۋىنا بايلانىستى 10-نان 100 ايلىق ەسەپتٸك كٶرسەتكٸشكە دەيٸن (اەك) جەنە 199-باپتى بۇزعانى ٷشٸن 15-تەن 120 اەك-كە دەيٸن قۇرايدى.
