QR Saýda jáne integratsiia ministrligi 2021 jylǵy 1 shildeden bastap «Halyq densaýlyǵy jáne densaýlyq saqtaý júiesi týraly» QR kodeksiniń 110-baby 2-tarmaǵynyń 16) tarmaqshasy kúshine engenin eske saldy, dep habarlaidy QazAqparat ministrliktiń baspasóz qyzmetine silteme jasap.
Atalmysh zań talaby temeki buiymdaryn, onyń ishinde qyzdyrylatyn temekisi bar buiymdardy, kalianǵa arnalǵan temekini, kalian qospasyn, temekini qyzdyrýǵa arnalǵan júielerdi, elektrondyq tutyný júielerin jáne olarǵa arnalǵan suiyqtyqtardy (temeki ónimderi) olardy ornalastyryp jáne ashyq kórsete otyryp satýǵa tyiym salady.
Ministrliktiń baspasóz qyzmetiniń habarlaýynsha, saýda jelilerinde zańnamanyń osy normalary júieli túrde buzylady.
«Osyǵan bailanysty, Saýda ministrligi ákimdikterge, sondai-aq «Atameken» QR Ulttyq kásipkerler palatasyna, saýda jelileri odaǵyna, saýda kásiporyndary men shaǵyn marketter qaýymdastyǵyna saýda qyzmeti sýbektileriniń nazaryna túsindirý aqparatyn jetkizý, sondai-aq temeki ónimderin ornalastyrý jáne satý kezinde zańnamany buzýǵa jol bermeý maqsatynda qajetti sharalar qabyldaý qajettiligi týraly hat joldady.
Sonymen birge, temeki ónimderi týraly aqparat satyp alýshylardyń nazaryna mátini bir saýda ornyna kólemi 40h30 santimetrden aspaityn aq fonda qara tústi birdei mólsherdegi áriptermen oryndalǵan jáne qandai da bir grafikalyq beineler men sýretterdi paidalanbai satylatyn temeki ónimderiniń baǵasyn kórsete otyryp, álipbilik tártippen jasalǵan satylatyn ónimniń tizbesin ornalastyrý arqyly jetkiziletinin qosymsha túsindiremiz», - delingen habarlamada.
Saýda nysanynda satyp alýshyǵa temeki ónimin kórsetý, satylatyn temeki óniminiń tizbesimen tanysqannan keiin onyń talap etýi boiynsha júzege asyrylýy múmkin.
Sondai-aq, aqparat týraly, temeki jáne temeki buiymdary týraly, temeki jáne temeki buiymdaryn satý jónindegi, sondai-aq temeki buiymdaryn imitatsiialaityn taýarlardy, onyń ishinde qyzdyrylatyn temekisi bar buiymdardy óndirý, satý jáne taratý jónindegi zańnamanyń talaptaryn buzǵany úshin «Ákimshilik quqyq buzýshylyq týraly» QR Kodeksiniń (ÁQBtK) 198 jáne 199-baptary sheńberinde ákimshilik jaýapkershilik kózdelgenin atap ótemiz.
Bul rette, ÁQBtK-niń 198-baby boiynsha isterdi qaraý ishki ister organdarynyń quzyretine, 199-baby boiynsha - oblystyń, respýblikalyq mańyzy bar qalanyń, astananyń, aýdannyń, oblystyq mańyzy bar qalanyń jergilikti atqarýshy organdarynyń quzyretine jatady.
198-bapty buzǵany úshin aiyppul sanktsiialary kásipkerlik sýbektisiniń nysanyna jáne buzýshylyqtardyń qaitalanýyna bailanysty 10-nan 100 ailyq eseptik kórsetkishke deiin (AEK) jáne 199-bapty buzǵany úshin 15-ten 120 AEK-ke deiin quraidy.
