قازاقستان قۇرىلىسشىلار وداعىنىڭ باسشىسى تالعات ەرعاليەۆ جاڭا سالىنعان ٷيلەردٸڭ شۋىلدان قورعاۋ قابٸلەتٸ نەلٸكتەن ەلسٸز ەكەنٸن تٷسٸندٸردٸ, دەپ حابارلايدى قازاقپارات.
«دىبىستى تۇنشىقتىراتىن ماتەريال ەكٸ قابىرعاعا قالانعان كٸرپشٸتەردٸڭ اراسىنا تٶسەلەدٸ. بەلكٸم شارشى مەتردٸڭ قۇنى قولجەتٸمدٸ بولۋ ٷشٸن ٷنەمدەۋ ەسەرٸنەن اۋىتقۋ بولاتىن شىعار. بٸراق نەگٸزٸ كەز كەلگەن قۇرىلىس كومپانيياسى قۇرىلىس ماتەريالىن ورنىمەن, قاجەت مٶلشەردە پايدالانۋعا تىرىسادى», - دەدٸ تالعات ەرعاليەۆ قۇرىلىسشىلار وداعى وتىرىسىنىڭ باق ٶكٸلەرٸنە بەرگەن سۇحباتىندا.
ول ٶزٸ باسقاراتىن قۇرىلىسشىلار وداعى بۇل مەسەلەنٸ قاداعالمايتىنىن اتادى.
«جوق, بٸز بۇل مەسەلەنٸ تەكسەرمەيمٸز. سەبەبٸ بٸز باقىلاۋشى ورگان ەمەسپٸز. بٸز قۇرىلىس كومپانييالارىنىڭ مٷمكٸندٸگٸن كەڭەيتۋ جولىندا قولداۋ كٶرسەتەمٸز. وسى ارقىلى نەعۇرلىم كٶبٸرەك باسپانا سالىنىپ, ەل مۇقتاجدىعىن ازايتۋعا كٷش سالامىز. بٸزدٸڭ نەگٸزگٸ ميسسييامىز وسىمەن بايلانىستى», - دەپ تٷيٸندەدٸ تالعات ەرعاليەۆ.
