Qazaqstan Qurylysshylar odaǵynyń basshysy Talǵat Erǵaliev jańa salynǵan úilerdiń shýyldan qorǵaý qabileti nelikten álsiz ekenin túsindirdi, dep habarlaidy QazAqparat.
«Dybysty tunshyqtyratyn material eki qabyrǵaǵa qalanǵan kirpshiterdiń arasyna tóseledi. Bálkim sharshy metrdiń quny qoljetimdi bolý úshin únemdeý áserinen aýytqý bolatyn shyǵar. Biraq negizi kez kelgen qurylys kompaniiasy qurylys materialyn ornymen, qajet mólsherde paidalanýǵa tyrysady», - dedi Talǵat Erǵaliev qurylysshylar odaǵy otyrysynyń BAQ ókilerine bergen suhbatynda.
Ol ózi basqaratyn qurylysshylar odaǵy bul máseleni qadaǵalmaitynyn atady.
«Joq, biz bul máseleni teksermeimiz. Sebebi biz baqylaýshy organ emespiz. Biz qurylys kompaniialarynyń múmkindigin keńeitý jolynda qoldaý kórsetemiz. Osy arqyly neǵurlym kóbirek baspana salynyp, el muqtajdyǵyn azaitýǵa kúsh salamyz. Bizdiń negizgi missiiamyz osymen bailanysty», - dep túiindedi Talǵat Erǵaliev.
