27 شٸلدەدە قازاقستاندا 6925 ادامنىڭ اناليزٸنەن كوروناۆيرۋس انىقتالدى. بۇل - ٸندەت باستالعالى بەرٸ تٸركەلگەن ەڭ جوعارى كٶرسەتكٸش. ودان بٶلەك, بٸر كٷندە 324 ادام كوروناۆيرۋس پنەۆمونيياسىنا شالدىققان. دەنساۋلىق ساقتاۋ مينيسترلٸگٸ كوروناۆيرۋس پنەۆمونيياسى مەن ادام ٶلٸمٸ كٶرسەتكٸشٸ بويىنشا ەكٸ كٷن بۇرىنعى مەلٸمەتتٸ جارييالاپ جٷر.
26 شٸلدەدە 92 ادام قايتىس بولعان: 81 ادام – كوروناۆيرۋستان, 11 ناۋقاس كوروناۆيرۋس پنەۆمونيياسىنان كٶز جۇمعان.
قازٸر ۆيرۋستىڭ تاراۋى بويىنشا "سارى ايماقتا" تٷركٸستان وبلىسى عانا قالعان. قالعان وبلىستار مەن قالالار – "قىزىل ايماقتا" تۇر.
ۆيرۋس ەسٸرەسە, نۇر-سۇلتان مەن الماتى قالالارىندا, قاراعاندى وبلىسىندا كٷشەيگەن. سەيسەنبٸ كٷنٸ نۇر-سۇلتاندا - 1531, الماتىدا - 1250, قاراعاندى وبلىسىندا 920 ناۋقاس تٸركەلدٸ. قالعان ايماقتاردا بٸر كٷندە انىقتالعان ناۋقاستار 500-گە جەتپەيدٸ.
بيلٸك ٸندەتتٸڭ ٶرشۋٸن دەلتا ۆاريانتتىڭ تاراۋىمەن بايلانىستىرادى. "دەلتا" كوروناۆيرۋستىڭ كەدٸمگٸ تٷرٸنە قاراعاندا جىلدام جۇعادى جەنە اسقىنۋى دا تەز. رەسمي مەلٸمەت بويىنشا, قازاقستاندا دەلتا ماۋسىم ايىندا تٸركەلگەن.
28 شٸلدەدەگٸ مەلٸمەت بويىنشا 89 058 ادام كوروناۆيرۋس ينفەكتسيياسىنان (86 911 كۆي+ جەنە 2 147 كۆي-) ەمدەلٸپ جاتىر.
ولاردىڭ ٸشٸندە:
24 748 پاتسيەنت ستاتسيوناردا,
64 310 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
1 500 ادامنىڭ جاعدايى اۋىر,
319 پاتسيەنتتٸڭ جاعدايى ٶتە اۋىر,
160 ناۋقاس ٶجج اپپاراتىندا جاتىر.
ٸندەت باستالعالى بەرٸ 549 مىڭنان استام ادامنىڭ كوروناۆيرۋس تەستٸ وڭ شىققان. بۇدان بٶلەك, پتر تەستٸ تەرٸس نەتيجە كٶرسەتٸپ, بٸراق اۋرۋ بەلگٸلەرٸ كوروناۆيرۋستىكٸنە ۇقسايتىن پنەۆمونييا ەسەبٸ بار. ٷكٸمەت بۇل ەسەپتٸ بىلتىر 1 تامىزدا باستاعان. سودان بەرٸ پنەۆمونييانىڭ بۇل تٷرٸنە 60 مىڭنان استام ادام شالدىققان.
2020 جىلدىڭ ناۋرىز ايىنان بەرٸ 5619 ادام كوروناۆيرۋستان قايتىس بولدى دەپ ايتىلادى. تامىز ايىنان بەرٸ كوروناۆيرۋس پنەۆمونيياسى 3660 ادامنىڭ ٶلٸمٸنە سەبەپ بولعان.
كەي ساراپشىلار كوروناۆيرۋس بويىنشا رەسمي مەلٸمەت تىم تٶمەندەتٸلگەن, شىن مەنٸندە ۆيرۋس جۇقتىرعاندار مەن ودان قايتىس بولعاندار ەلدەقايدا كٶپ دەپ سانايدى.
قازاقستاندا اقپان ايىنان بەرٸ حالىققا كوروناۆيرۋسقا قارسى ۆاكتسينا سالىنىپ جاتىر. سودان بەرٸ 5,2 ميلليوننان اسا ادام ۆاكتسينانىڭ بٸرٸنشٸ دوزاسىن العان. ەكپەنٸڭ تولىق دوزاسىن العاندار 3,4 ميلليوننان استى.
