«جاڭا ادامدار» جاستار قوزعالىسى لۋدومانيياعا قارسى اكتسييا باستادى دەپ حابارلايدى "ۇلت اقپارات" Zhanaadamdarnews telegram ارناسىنا سٸلتەمە جاساپ.
قازاقستاندىقتار قۇمار ويىندارعا ٶز دەنساۋلىعىنا قاراعاندا ەكٸ ەسە كٶپ قارجى جۇمسايدى ەكەن. نەبەرٸ سوڭعى ٷش ايدىڭ ٸشٸندە قازاقستان ازاماتتارى جٷز ميللياردقا جۋىق تەڭگەگە ۇتىلىپ قالعان. سوڭعى بٸرنەشە جىلدا ەلٸمٸزدە قۇمار ويىندار نارىعى ٷش ەسەگە دەيٸن ٶسٸپ, قوعامنىڭ باستى ەلەۋمەتتٸك اۋرۋلارىنىڭ بٸرٸ لۋدومانييا كەڭ ەتەك جايىپ جاتىر. لۋدومانييا وتباسىلاردى بۇزادى, حالىقتى پەرمانەنتتٸ ەكونوميكالىق جەنە تۇلعالىق كريزيسكە ۇشىراتىپ, باسقا دا تەۋەلدٸلٸك تٷرلەرٸنە, اتاپ ايتقاندا, ماسكٷنەمدٸك, ەسٸرتكٸگە تەۋەلدٸلٸك, سەلفحارمانى قوزدىرىپ, ٶزٸن-ٶزٸ ٶلتٸرۋگە دەيٸن الىپ كەلەدٸ.
ادامدار وڭاي جولمەن بايىپ كەتەتٸنٸنە سەنگٸسٸ كەلەدٸ. سونداعىسى, «سەتتٸ تٷسەدٸ» دەگەن بٸر ويىن. بۋكمەكەرلەر حالىقتىڭ وسى قالاۋىن ٶز ماقساتىنا پايدالانۋعا تىرىسادى. ياعني, تەز ۇتىس جەنە سانسىز اقشا ۋەدەلەرٸمەن ٶزٸنە تارتادى, ۇتىس تٸگۋدٸڭ زيياندارىن ايتپاي, تەك ەلەۋەتتٸ ارتىقشىلىقتارىن العا تارتادى. بۇل — ەدٸلەتسٸزدٸك. جاي عانا الداۋ.
جاڭا ادامداردىڭ «ستاۆكي نا ستوپ» جوباسى استاناداعى تانىمال بۋكمەكەر كەڭسەسٸنٸڭ جارنامالىق باننەرٸن قۇمار ويىندارىنىڭ بارلىق كٶرٸنٸسٸن اشاتىن ٶزدەرٸنٸڭ «شىندىق باننەرٸمەن» جاۋىپ تاستادى. ستاتيستيكا بويىنشا, قۇمار ويىنعا تەۋەلدٸ ادامداردىڭ 40% وتباسىنان ايرىلسا, 20% تٷرلٸ قىلمىستار جاساۋعا بارادى. ەدەتتەگٸ قۇمار ويىنشىنىڭ ورتا ەسەپپەن قارىزى 10 ميلليون تەڭگەنٸ قۇرايدى. بۋكمەكەر كەڭسەلەرٸنٸڭ شىنايى جارناماسى وسىلاي بولۋ كەرەك.
"قازٸر ەلٸمٸزدە بۋكمەكەرلٸك كەڭسەلەردٸڭ جارناماسىن شەكتەۋ تۋرالى زاڭ تالقىلانىپ جاتقانىن بٸلەمٸز. وسى الداۋمەن بار كٷشٸمٸزبەن كٷرەسٸپ, ادامداردى بۇل قاۋٸپتٸ تەۋەلدٸلٸكتەن الىپ شىعۋ ماڭىزدى. بٸر نەرسەنٸ تٷسٸنۋٸمٸز كەرەك: بۋكمەكەرلٸك كەڭسەلەردٸڭ قۋلىعىنا تٷسٸپ قالماۋ ٷشٸن تەز ەرٸ وڭاي جولمەن كەلەتٸن اقشاعا سەنۋدٸ توقتاتۋ كەرەك. بايلىققا جەتۋدٸڭ وڭاي جولى جوق. بٸزدٸڭ ٶزٸندٸك شىعارماشىلىعىمىز, ەڭبەكسٷيگٸشتٸك پەن پراگماتيزم — مٸنە ناعىز بايلىققا جەتۋ جولدارى. شىندىققا تۋرا قاراي بٸلەيٸك. بۋكمەكەرلەردٸڭ قۇرىعىنا تٷسپەۋدٸڭ جالعىز جولى — وڭاي شەشٸمدەرگە سەنۋدٸ توقتاتۋ", - دەدٸ عاريفوللاەۆ مەيٸرجان, جاڭا ادامدار بەلسەندٸسٸ.
.
