"قازاقستان حالقىنا" قورىنىڭ باسشىسى بولات جەمٸشەۆ قور قىزمەتكەرلەرٸنٸڭ جالاقىسى قانشا ەكەنٸن ايتتى, دەپ حابارلايدى Sputnik قازاقستان.
ول قامقورشىلىق كەڭەستٸڭ مٷشەلەرٸ (جەمٸشەۆتٸڭ ٶزٸ دە) قوردا تەگٸن نەگٸزدە جۇمىس ٸستەيتٸنٸن مەلٸمدەدٸ. باس-اياعى 24 ادامدى قۇرايتىن اتقارۋ كەڭەسٸنٸڭ مٷشەلەرٸ ورتا ەسەپپەن 587 مىڭ تەڭگە جالاقى الادى.
الايدا قىزمەتكەرلەر قولىنا الاتىن ناقتى سوما بۇدان بٸرشاما از. ٶيتكەنٸ اتالعان جالاقى مٶلشەرٸنەن مٸندەتتٸ الىمدار مەن سالىق شەگەرٸلەدٸ. جالاقى تٶلەنەتٸن قاراجات بانك دەپوزيتتەرٸنٸڭ سىياقىلارى ەسەبٸنەن قاراستىرىلىپ جاتىر.
بٷگٸندە قورعا 117 ميلليارد تەڭگەدەن استام قاراجات تٷسكەنٸن اتاپ ٶتۋ كەرەك.
"دەمەۋشٸلەردٸڭ جالاقىمەن قامتاماسىز ەتۋٸنە قارسىمىز. سەبەبٸ جالاقى تەۋەلسٸز بولۋى كەرەك. ونى قور ٶزٸ تٶلەۋگە تيٸس", - دەدٸ جەمٸشەۆ ارمانجان بايتاسوۆقا بەرگەن سۇحباتىندا.
ول بٸرەۋلەر 587 مىڭ تەڭگەنٸ تىم جوعارى جالاقى دەپ ساناۋى مٷمكٸن ەكەنٸن ايتتى.
"الايدا بۇل ەلدەگٸ ورتالىق مەملەكەتتٸك ورگاندارداعى ەكٸمشٸلٸك قىزمەتكەرلەردٸڭ ەڭبەكاقىسىمەن بٸردەي. بٸز بٷكٸل مينيسترلٸككە قاراما-قارسى جولدىڭ بەتٸندە وتىرمىز. سوندىقتان ەكٸمشٸلٸك مەملەكەتتٸك قىزمەتكەرلەردٸكٸمەن تەڭ بولاتىن جالاقى ۇسىنباساق, ەشكٸم بٸزگە جۇمىسقا كەلمەيدٸ. سونداي-اق, مەملەكەتتٸك ورگانداردا سىياقى قاراستىرىلسا, بٸز بيۋدجەتكە سىياقى ەنگٸزگەن جوقپىز", - دەدٸ ول.
جەمٸشەۆ قور قاراجاتتى بارىنشا ٷنەمدەۋگە تىرىساتىنىن مەلٸمدەدٸ. مەسەلەن, تٷرلٸ كومپانييالار كەڭسە, كومپيۋتەرلەر, اۆتوكٶلٸك, ەلەكتروندى قۇجات اينالىمىنا ارنالعان پورتال مەن جٷيەنٸ تەگٸن ۇسىنعان.
