قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆتىڭ تٶراعالىعىمەن جامبىل جاباەۆتىڭ 175 جىلدىق مەرەيتويىن دايىنداۋ جەنە ٶتكٸزۋ جٶنٸندەگٸ مەملەكەتتٸك كوميسسييانىڭ العاشقى وتىرىسى ٶتتٸ, دەپ حابارلايدى اقوردانىڭ باسپاسٶز قىزمەتٸ.
قازاقستان پرەزيدەنتٸ مەرەيتويلىق ٸس-شارالاردىڭ جوعارى ۇيىمداستىرۋشىلىق جەنە مازمۇندىق دەڭگەيٸن قامتاماسىز ەتۋ ٷشٸن «جامبىل جاباەۆتىڭ 175 جىلدىق مەرەيتويىن دايىنداۋ جەنە ٶتكٸزۋ جٶنٸندەگٸ مەملەكەتتٸك كوميسسييا قۇرۋ تۋرالى» ارنايى جارلىق قابىلداعانى بەلگٸلٸ.
وتىرىستى اشقان مەملەكەتتٸك حاتشى ۇلى جىراۋ, دالا گومەرٸ اتانعان جامبىل جاباەۆتىڭ رۋحاني مۇرالارى ەلەمدٸك مەدەنيەتتٸڭ التىن قورىنا ەنگەنٸن اتاپ ٶتتٸ. جامبىل جاباەۆ ٶزٸنٸڭ عيبراتتى عۇمىرىندا ادامي قاسيەتتەردٸ ارداقتاۋدى, وتانعا دەگەن ٸڭكەرلٸكتٸ جەنە قارا قىلدى قاق جارعان ەدٸلەتتٸلٸكتٸ جىرىنا ارقاۋ ەتٸپ ٶتتٸ. بٷگٸنگٸ تاڭدا ونىڭ شىعارماشىلىعى قوعامنىڭ رۋحاني جاڭعىرۋى جولىندا ەرەكشە ٶزەكتٸ بولىپ وتىر.
ق.كٶشەرباەۆ بىلتىر ۇلى ابايدىڭ 175 جىلدىق جەنە ەل-فارابيدٸڭ 1150 جىلدىق مەرەيتويلارىن جوعارى دەڭگەيدە لايىقتى اتاپ ٶتٸلگەنٸنە توقتالىپ, ۇلى جىراۋدىڭ مەرەيتويى دا ۇرپاقتىڭ ساناسىنا ۇلاعات بولار تاعىلىمدىق جەنە تانىمدىق ٸس-شارالار ارقىلى جالعاساتىنىن ايتتى.
وتىرىس بارىسىندا مەدەنيەت جەنە سپورت مينيسترٸ اقتوتى رايىمقۇلوۆانىڭ, الماتى جەنە جامبىل وبلىستارىنىڭ ەكٸمدەرٸ اماندىق باتالوۆ پەن بەردٸبەك ساپارباەۆتىڭ, قازاقستان جازۋشىلار وداعىنىڭ باسقارما تٶراعاسى ۇلىقبەك ەسدەۋلەتتٸڭ جامبىل جاباەۆتىڭ 175 جىلدىعى اياسىندا ٶتكٸزۋگە جوسپارلانعان ٸس-شارالار تۋرالى اقپاراتتارى تىڭدالدى.
تالقىلاۋ قورىتىندىسى بويىنشا مەملەكەتتٸك كوميسسييا مەرەيتويلىق ٸس-شارالاردىڭ جالپىرەسپۋبليكالىق جوسپارىن ماقۇلدادى جەنە بەكٸتتٸ. مەرەيتويلىق جىل ٸشٸندە رەسپۋبليكا بويىنشا 500-گە جۋىق ەلەۋمەتتٸك, يميدجدٸك, عىلىمي, تانىمدىق ٸس-شارالار ٶتكٸزٸلەدٸ. بۇدان بٶلەك, اقىن ٶمٸرٸنەن دەرەكتٸ فيلم تٷسٸرۋ, ٶلەڭدەرٸنٸڭ جاڭا جيناقتارىن شىعارۋ, ايتىستار مەن ەدەبي كونكۋرستاردى, كٸتاپ كٶرمەلەرٸن ۇيىمداستىرۋ, مەرەيتويلىق مونەتا, پوشتا ماركاسىن ەزٸرلەۋ جەنە باسقا دا شارالار ٶتكٸزۋ كٶزدەلٸپ وتىر.
مەملەكەتتٸك حاتشى ٷكٸمەتكە جالپىرەسپۋبليكالىق جوسپاردىڭ ساپالى ورىندالۋىن جەنە مەرەيتويلىق ٸس-شارالاردىڭ اقپاراتتىق تۇرعىدان جان-جاقتى سٷيەمەلدەنۋٸن قامتاماسىز ەتۋدٸ تاپسىردى. وبلىستاردىڭ, نۇر-سۇلتان, الماتى, شىمكەنت قالالارىنىڭ ەكٸمدەرٸنە جامبىل جاباەۆتىڭ مەرەيتويىن مەرەكەلەۋ جٶنٸندەگٸ ٶڭٸرلٸك جوسپارلاردى ەزٸرلەپ, بەكٸتۋدٸ جەنە ولاردىڭ ورىندالۋىن قاداعالاۋدى مٸندەتتەدٸ.
تالقىلاۋ قورىتىندىسى بويىنشا مەملەكەتتٸك كوميسسييا مەرەيتويلىق ٸس-شارالاردىڭ جالپىرەسپۋبليكالىق جوسپارىن بەكٸتتٸ.
