جامبىل وبلىسى بايزاق اۋدانىنداعى ەسكەري قويمادا بولعان جارىلىس ورنىنان تاعى بٸر ادامنىڭ مەيٸتٸ تابىلدى. بۇل تۋرالى 30 تامىزدا قازاقستان تٶتەنشە جاعدايلار مينيسترلٸگٸ حابارلادى. مەيٸتتٸ قورعانىس مينيسترلٸگٸنٸڭ ساپەرلەرٸ تاپقان, قازٸر مارقۇمنىڭ كٸم ەكەنٸ انىقتالىپ جاتىر.
"جامبىل وبلىسىنداعى جارىلىستان قازا تاپقاندار سانى ون بەس ادامعا جەتتٸ. قايتىس بولعاندار اراسىندا ازاماتتىق قورعاۋ ورگاندارىنىڭ قىزمەتكەرلەرٸ دە بار. جوعالعان بٸر ادام ٸزدەستٸرٸلٸپ جاتىر", - دەلٸنگەن حابارلامادا.
وسىلايشا جامبىل وبلىسىنداعى جارىلىستان قازا بولعاندار سانى 15 ادامعا جەتتٸ. قازٸر جوعالعان تاعى بٸر ادامدى ٸزدەۋ جالعاسىپ جاتىر. اپاتتان 98 ادام جارالانعانى حابارلاندى.
قازا بولعانداردىڭ اراسىندا ٶرت سٶندٸرۋشٸلەر, تٶتەنشە جاعداي مينيسترلٸگٸنٸڭ, ەسكەري بٶلٸمنٸڭ, ەسكەري كٷزەت پەن ەسكەري پروكۋراتۋرانىڭ قىزمەتكەرلەرٸ بار.
26 تامىزدا جامبىل وبلىسى بايزاق اۋدانىنداعى 28349 ەسكەري بٶلٸمٸندەگٸ قويماداعى وق-دەرٸلەر جارىلىپ, ارتى ٶرتكە ۇلاسقان.
جارىلىستان كەيٸن ەسكەري قويماعا جاقىن ماڭداعى اۋىلداردان جٷزدەگەن ادام ەۆاكۋاتسييالاندى. قازٸر ولاردىڭ بەرٸ ٷيٸنە ورالعان. تۇرعىندار اراسىندا جاراقاتتانعاندار جوق دەيدٸ جەرگٸلٸكتٸ بيلٸك.
جامبىل وبلىسى ەكٸمدٸگٸنٸڭ ايتۋىنشا, اپات سالدارىنان 106 تۇرعىن ٷي, 12 كوممەرتسييالىق وبەكت, ٷش مەكتەپ بٷلٸنگەن. ەكٸمدٸك ٷيلەردٸ ەكٸ اي ٸشٸندە قالپىنا كەلتٸرۋگە ۋەدە بەردٸ.
قورعانىس مينيسترٸ نۇرلان ەرمەكباەۆ جارىلىسقا قويمادا قاۋٸپسٸزدٸك تالاپتارىنىڭ ساقتالماۋى, يا حيمييالىق رەاكتسييامەن ٶزدٸگٸنەن تۋۋى نەمەسە ديۆەرسييا سەبەپ بولۋى مٷمكٸن دەپ توپشىلايدى.
مينيسترلٸك 10 جارىلىس بولعانىن, ەسكەري قويمادا ارىس قالاسىنداعى قويمادان ەكەلٸنگەن وق-دەرٸلەر قويىلعانىن راستادى. 2019 جىلى ارىستاعى ەسكەري قويمادا دا وسىعان ۇقساس جارىلىس بولىپ, سالدارىنان تٶرت ادام قازا تاپقان.
