قر ٸشكٸ ٸستەر مينيسترلٸگٸ جامبىل وبلىسىنداعى وق-دەرٸ قويماسىنداعى جارىلىسقا پٸكٸر بٸلدٸردٸ, دەپ حابارلايدى قازاقپارات.
«جامبىل وبلىسىندا بولعان ەسكەري بٶلٸم اۋماعىنداعى جارىلىستار فاكتٸسٸ بويىنشا تولىق جەنە وبەكتيۆتٸ تەكسەرۋ ماقساتىندا ٸٸم ورتالىق اپپاراتىنىڭ تەجٸريبەلٸ قىزمەتكەرلەرٸ قاتارىنان جەدەل-تەرگەۋ توبى قۇرىلدى. تەرگەۋ قىلمىستىق كودەكسٸنٸڭ 462-بابىنىڭ 3-بٶلٸگٸ (ەكٸ جەنە ودان دا كٶپ ادامنىڭ ٶلٸمٸنە ەكەپ سوققان وق-دەرٸلەرمەن جەنە جارىلعىش زاتتارمەن جۇمىس ٸستەۋ قاعيدالارىن بۇزۋ) بويىنشا جٷرگٸزٸلەدٸ», - دەدٸ قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز قر ٸٸم ۇيىمداستىرعان اپتالىق بريفينگتە.
ونىڭ ايتۋىنشا, شۇعىل تەرگەۋ ٸس-شارالارى, ونىڭ ٸشٸندە جەبٸرلەنۋشٸلەر مەن كۋەگەرلەردەن جاۋاپ الۋ, سونداي-اق زالالدى انىقتاۋ ٷشٸن بٷلٸنگەن وبەكتٸلەردٸ تەكسەرۋ جٷرگٸزٸلەدٸ. تيٸستٸ سوت ساراپتامالارى تاعايىندالدى.
«وقيعا ورنىندا ساپەرلەر بريگاداسى, قىزمەتتٸك-ٸزدەستٸرۋ يتتەرٸ بار كينولوگتاردى تارتا وتىرىپ, ٸزدەستٸرۋ جۇمىستارى جٷرگٸزٸلۋدە. قازٸرگٸ ۋاقىتتا 15 ەسكەري قىزمەتشٸ مەن قۇتقارۋشىنىڭ دەنەسٸ تابىلدى.
ايتا كەتەيٸك, قوعامدىق تەرتٸپتٸ ساقتاۋ جەنە وقيعانىڭ سالدارىن جويۋ ٷشٸن 800-دەن استام پوليتسييا قىزمەتكەرٸ مەن ۇلتتىق ۇلان ساربازدارى, 113 ارنايى تەحنيكا, ونىڭ ٸشٸندە 54-ٸ پوليتسييا دەپارتامەنتٸنەن جەنە 59-ى باسقا مەملەكەتتٸك ورگانداردان جۇمىلدىرىلدى. پوليتسييا تٶتەنشە جاعداي ورنىنا كٸرۋ جولدارىن, سونىڭ ٸشٸندە تەمٸرجول جولدارىن ۋاقىتشا جاۋىپ, وقيعا ورنىنا مەديتسينالىق جەدەل-جەردەم بريگادالارىن الىپ جٷرۋ ۇيىمداستىرىلدى», - دەيدٸ رەسمي ٶكٸل.
تٶتەنشە جاعداي اۋدانىنا جاقىن ورنالاسقان قاينار, جٸبەك جولى, ٷشبۇلاق ەلدٸ مەكەندەرٸنەن 700-دەن استام ادام قاۋٸپسٸز جەرگە كٶشٸرٸلدٸ, پويىزدىڭ 2 350 جولاۋشىسىن اۆتوبۋستارمەن الىپ جٷرۋ ۇيىمداستىرىلدى, حالىققا تٷسٸندٸرۋ جۇمىستارى جٷرگٸزٸلدٸ.
«بايزاق اۋىلىنداعى №4 ليتسەي مەكتەبٸندە جەرگٸلٸكتٸ اتقارۋشى, قۇقىق قورعاۋ جەنە باسقا دا مەملەكەتتٸك ورگانداردىڭ قاتىسۋىمەن جەدەل شتاب قۇرىلدى. قوعامدىق تەرتٸپتٸ ساقتاۋ ٷشٸن ۇلتتىق ۇلاننىڭ ەسكەري قىزمەتشٸلەرٸ مەن پوليتسييا قىزمەتكەرلەرٸ تەۋلٸك بويى پاترۋلدەۋ جٷرگٸزەدٸ. تج ورنىنداعى جەدەل جاعداي تۇراقتى جەنە قۇقىق قورعاۋ ورگاندارىنىڭ باقىلاۋىندا», - دەدٸ ن. وراز.
ەستەرٸڭٸزگە سالا كەتسەك, 26 تامىزدا ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان ەسكەري بٶلٸم قويمالارىنىڭ بٸرٸنەن ٶرت شىعىپ, جويقىن جارىلىس بولدى. سوڭعى مەلٸمەت بويىنشا, جامبىل وبلىسىنداعى جارىلىستان 15 قازا تاپقان.
