سۋرەتتەر: azh.kz
جامبىل وبلىسىنداعى ەسكەري بٶلٸمدە قايتىس بولعان ساربازدىڭ ٶلٸمٸنە كٷدٸكتٸ رەتٸندە ۇستالعان ايبولات امانجولوۆتىڭ وتباسى اشتىق جارييالادى, - دەپ حابارلايدى Tengrinews.kz اگەنتتٸگٸ azh.kz پورتالىنا سٸلتەمە جاساپ.
امانجولوۆ تۇتقىندالعاننان كەيٸن اتا-اناسى بالاسىن كٶرە الماعان. التى بالاسى بار اتا-انا اتىراۋ وبلىستىق قورعانىس ٸستەرٸ جٶنٸندەگٸ دەپارتامەنتتٸڭ الدىنا جينالعان. ولاردىڭ ايتۋىنشا, بالاسىن ەشقانداي ەسكەرتۋسٸز قورداي اۋداندىق پوليتسيياسىنان الماتىداعى تەرگەۋ يزولياتورىنا الىپ كەتكەن.
"ۇلىمدى الماتىداعى تەرگەۋ يزولياتورىنا اۋىستىردى, بۇل تۋرالى ەشكٸم بٸلمەدٸ. تٸپتٸ ادۆوكات بٸلمەيدٸ. قازٸر ۇلىمىزدىڭ تٸرٸ نەمەسە ٶلٸ ەكەنٸن بٸلمەيمٸز. ونى بٸرەۋ قورقىتۋى مٷمكٸن. وعان زاڭدى ٶكٸلدەرمەن كەزدەسۋگە رۇقسات ەتٸلمەسە, وندا بٸر نەرسە دۇرىس ەمەس دەگەن سٶز!" - دەيدٸ سولداتتىڭ اناسى اينۇر تٶلەمٸسوۆا كٶزٸنە جاس الىپ.
اينۇر تٶلەمٸسوۆانىڭ ايتۋىنشا, ۇلىمەن بٸرگە ەسكەرگە كەتكەندەر انت قابىلداپ, قىزمەتكە كٸرٸسكەن.
سولداتتىڭ اناسى بۇعان دەيٸن ايبولاتتىڭ بۇل وقيعاعا قاتىسى جوق دەپ مەلٸمدەمە بەرگەندەر ەندٸ ٶز ايعاقتارىن ٶزگەرتٸپ جٸبەرە مە دەپ قورقادى.
"انت قابىلداعاننان كەيٸن بالالارعا باسشىلىق تاراپىنان قىسىم بولاتىنىنا سەنٸمدٸمٸن. ۇلىم تەرگەۋ يزولياتورىندا, ونىڭ قاسىنا بۇرىن قىلمىس جاساعان ەرٸ 10 جىل تٷرمەدە وتىرعان ەر ادامدى وتىرعىزعان. ول مەنٸڭ ۇلىما بارلىق كٸنەنٸ ٶز موينىنا الۋعا كەڭەس بەرگەن. دەمەك, ول دا ەسكەري تەرگەۋشٸلەردٸڭ ادامدارى", - دەيدٸ ساربازدىڭ اناسى.
اشتىق جارييالاعان سولداتتىڭ اتا-اناسى, زەينەتكە شىققان ەجەسٸ, اعالارى مەن ەپكەلەرٸ ايبولاتتى اتىراۋعا ەكەلگەنشە, دەپارتامەنت الدىندا سوڭىنا دەيٸن وتىرۋعا نيەتتٸ.
"قىلمىستىق ٸس تۋرالى اقپارات جوق. ۇلىم ەلٸ ەسكەري قىزمەتكەر ەمەس, سوندىقتان ونى اتىراۋداعى تەرگەۋ يزولياتورىنا اۋىستىرۋعا بولادى دەپ ويلايمىن. اشتىق جارييالاۋدى ونى اتىراۋعا ەكەلگەن كەزدە عانا توقتاتامىز", - دەيدٸ اينۇر تٶلەمٸسوۆا.
اتىراۋ وبلىسى قورعانىس دەپارتامەنتٸ باستىعىنىڭ ورىنباسارى ەرجان جۇمانوۆتىڭ ايتۋىنشا, ايبولات امانجولوۆ بارلىق مەديتسينالىق جەنە پسيحولوگييالىق سىناقتان سەتتٸ ٶتكەن.
"ونىڭ جەكە ٸسٸن سۇراتتى. بٸزدە بار قۇجاتتاردى جٸبەردٸك. ول مەديتسينالىق جەنە پسيحولوگييالىق سىناقتاردان سەتتٸ ٶتتٸ. پوليتسييا ەسەبٸندە تۇرماعان. قازٸر تەرگەۋ جٷرٸپ جاتىر", - دەدٸ ەرجان جۇمانوۆ.
ايتا كەتەيٸك, ماڭعىستاۋلىق سارباز ەسكەرگە شاقىرىلعانىنا بٸرنەشە كٷن ٶتكەندە قايتىس بولدى. وقيعا جامبىل وبلىسى قوردايدا بولعان. 22 سەۋٸردە مەرزٸمدٸ قىزمەتتٸڭ قاتارداعى جاۋىنگەرٸ ەلٸبەك قالباي گۆاردەيسكيي كەنتٸندەگٸ قالالىق تيپتەگٸ ەسكەري اۋرۋحانادا قايتىس بولدى. ماڭعىستاۋ وبلىسى اقشۇقىر اۋىلىنىڭ تۇرعىنى 18 جاستاعى ەلٸبەك قالبايدىڭ تۋىستارىنىڭ سٶزٸنشە, ول 13 سەۋٸردە شاقىرتۋ الىپ, قر قورعانىس مينيسترلٸگٸنٸڭ 30212 ەسكەري بٶلٸمٸنە ەسكەري بورىشىن ٶتەۋگە بارعان. بٶلٸمشە جامبىل وبلىسى قورداي اۋىلىندا ورنالاسقان. تۋىستارى بۇل وقيعا ەدٸل تەرگەلەتٸنٸنە ٷمٸتتەنەدٸ.
ەسكە سالايىق, بۇعان دەيٸن جامبىل وبلىسىنداعى ساربازدىڭ ٶلٸمٸنە كٷدٸكتٸ انىقتالعانى حابارلانعان بولاتىن.
