ەسكەري بٶلٸمدەرٸنٸڭ بٸرٸندە جارىلىس بولعان جامبىل وبلىسىنىڭ بايزاق اۋدانىندا جەدەل شتاب قۇرىلىپ ونى, وبلىسى ەكٸمٸ بەردٸبەك ساپارباەۆ باسقارىپ وتىر.
بۇل تۋرالى بايزاق اۋدانىنىڭ ەكٸمدٸگٸنٸڭ Facebook جەلٸسٸندەگٸ پاراقشاسىندا حابارلادى.
ايتا كەتەيٸك, بٷگٸن ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان ەسكەري بٶلٸم قويمالارىنىڭ بٸرٸنەن ٶرت شىعىپ, جارىلىس بولدى.
قازٸرگٸ تاڭدا جارىلىستان زارداپ شەككەندەر سانى 66 ادامدى قۇراپ وتىر. ولاردىڭ باسىم كٶپشٸلٸگٸ - جەڭٸل جاراقات العاندار, تەك 2 ادامنىڭ عانا جاعدايى اۋىر.
اپات بولعان اۋماقتان ەۆاكۋاتسييالانعان تۇرعىندارعا ارنالىپ وبلىس ورتالىعىنان 400-دەن استام ورىن دايىندالعان.
