جامبىل وبلىسىندا وق-دەرٸلەر قويماسىندا بولعان ٶرت ورنىنان تابىلعان ٷش مەيٸتتٸڭ جەكە باسى انىقتالدى, دەپ حابارلادى قورعانىس مينيسترلٸگٸ.
بارلىعى جامبىل وبلىسى تٶتەنشە جاعدايلار دەپارتامەنتٸنٸڭ قىزمەتكەرٸ:
1-شٸ ٶرت سٶندٸرۋ بٶلٸمٸنٸڭ قىزمەتكەرٸ-جٷرگٸزۋشٸسٸ اعا سەرجانت عافان جومارتۇلى قۋاتبەك, 1995 جىلى تۋعان.
4-شٸ ٶرت سٶندٸرۋ بٶلٸمٸنٸڭ ٶرت سٶندٸرۋشٸ-قۇتقارۋشىسى سەرجانت ەدٸلەت قاناتبەكۇلى ەدٸلبەك, 1987 جىلى تۋعان.
4-شٸ ٶرت سٶندٸرۋ بٶلٸمٸنٸڭ ٶرت سٶندٸرۋشٸ-قۇتقارۋشىسى قاتارداعى جاۋىنگەر ەلٸبي بەكسۇلتانۇلى كەڭەس, 1999 جىلى تۋعان.
وسىلايشا, بارلىق 15 ادامنىڭ جەكە باسى انىقتالدى.
بۇعان دەيٸن جامبىل وبلىسىندا جارىلىس سالدارىنان 15 ادامنىڭ قايتىس بولعانى حابارلاندى.
26 تامىز كەشكٸ جەتٸلەر شاماسىندا جامبىل وبلىسى بايزاق اۋدانىندا ەسكەري بٶلٸم قويمالارىنىڭ بٸرٸندە ٶرت شىعىپ, ارتىنشا وننان استام جارىلىس بولدى. بەلگٸلٸ بولعانداي, قويمادا ينجەنەرلٸك وق-دەرٸ ساقتالعان.
