Jambyl oblysynda oq-dáriler qoimasynda bolǵan órt ornynan tabylǵan úsh máiittiń jeke basy anyqtaldy, dep habarlady qorǵanys ministrligi.
Barlyǵy Jambyl oblysy tótenshe jaǵdailar departamentiniń qyzmetkeri:
1-shi órt sóndirý bóliminiń qyzmetkeri-júrgizýshisi aǵa serjant Ǵafan Jomartuly Qýatbek, 1995 jyly týǵan.
4-shi órt sóndirý bóliminiń órt sóndirýshi-qutqarýshysy serjant Ádilet Qanatbekuly Ádilbek, 1987 jyly týǵan.
4-shi órt sóndirý bóliminiń órt sóndirýshi-qutqarýshysy qatardaǵy jaýynger Álibi Beksultanuly Keńes, 1999 jyly týǵan.
Osylaisha, barlyq 15 adamnyń jeke basy anyqtaldy.
Buǵan deiin Jambyl oblysynda jarylys saldarynan 15 adamnyń qaitys bolǵany habarlandy.
26 tamyz keshki jetiler shamasynda Jambyl oblysy Baizaq aýdanynda áskeri bólim qoimalarynyń birinde órt shyǵyp, artynsha onnan astam jarylys boldy. Belgili bolǵandai, qoimada injenerlik oq-dári saqtalǵan.
