جامبىل وبلىسىنداعى شەكارا زاستاۆاسىندا ەسكەري بورىشىن ٶتەپ جٷرٸپ, "ٶز-ٶزٸنە قول سالدى" دەگەن ساربازعا قاتىستى جاڭا دەرەكتەر شىقتى, دەپ حابارلايدى "استانا" ارناسى.
تۋعاندارىنىڭ ايتۋىنشا, ول قايتىس بولارىنان بٸرەر كٷن بۇرىن جانۇشىرا تۋىستارى مەن دوستارىنا قوماقتى اقشا سۇراپ حابارلاسقان. دەمەك, "سۋيتسيد جاساۋىنا ەسكەريلەر تاراپىنان قىسىم بولعان" دەپ توپشىلايدى.
قارا جامىلعان وتباسىنىڭ ايتۋىنشا, بالا كەزٸنەن كٶپشٸل, ەتٸ تٸرٸ, اۋىزدىقپەن الىسقان, اساۋدى باعىندىرىپ ٶسكەن بەكبول ٶمٸرگە قۇشتار جان بولعان.
جاس جٸگٸت قايتىس بولاردان ەكٸ ساعات بۇرىن تەلەفون ارقىلى اناسىمەن تٸلدەسكەن. اناسى ۇلىنىڭ داۋىسىنداعى ٶزگەرٸستٸ بايقاپ, سەبەبٸن سۇراعاندا «ۇيقىدان تۇرىپ جاتىرمىن» دەپ قىسقا قايىرىپتى.
"اقشا سۇراتۋىنا قاراعاندا ار جاعىندا قىسىمشىلىق بولعان. 17-سٸنەن باستاپ سۇراپتى, كەرەك بولىپ جاتىر دەپ. سودان كەيٸن 19-ىندا عوي جاڭاعىداي جاعداي بولعانى. بٸرەۋدەن 20 مىڭ, بٸرەۋدەن 30 مىڭ سۇراعان "كەرەك بولىپ جاتىر, سروچنو" دەپ. ٶزٸ پىسىق بالا بولاتىن. ورتاسىنىڭ الدى بولاتىن. سوعان يتەرمەلەپ وتىر. وسىنىڭ اشىلۋىن تالاپ ەتەمٸز", - دەيدٸ مارقۇمنىڭ اعاسى قانات قوجاحمەتوۆ.
ولار تەرگەۋدٸڭ ەدٸل ٶتٸپ, ٶلٸمگە يتەرمەلەگەندەر جازالانۋىن تالاپ ەتەدٸ. ساربازدى اقتىق ساپارعا شىعارىپ سالۋعا كەلگەن ەسكەريلەر «سوڭعى كەزدە قىزىمەن رەنجٸسٸپ جٷردٸ, ٶمٸرٸمەن قوش ايتىسۋىنا سول سەبەپ بولۋى مٷمكٸن» دەگەن بولاتىن. قارالى جيىندا تٶبە كٶرسەتكەن سٷيٸكتٸسٸ مۇنى ەلدٸڭ الدىندا جوققا شىعاردى. جازبا ەلەۋمەتتٸك جەلٸدە تارادى. مارقۇم بەكبول ميراش قاتتى قورقىپ جٷرگەنٸنٸن جازىپتى.
