Jambyl oblysyndaǵy shekara zastavasynda áskeri boryshyn ótep júrip, "óz-ózine qol saldy" degen sarbazǵa qatysty jańa derekter shyqty, dep habarlaidy "Astana" arnasy.
Týǵandarynyń aitýynsha, ol qaitys bolarynan birer kún buryn janushyra týystary men dostaryna qomaqty aqsha surap habarlasqan. Demek, "sýitsid jasaýyna áskeriler tarapynan qysym bolǵan" dep topshylaidy.
Qara jamylǵan otbasynyń aitýynsha, bala kezinen kópshil, eti tiri, aýyzdyqpen alysqan, asaýdy baǵyndyryp ósken Bekbol ómirge qushtar jan bolǵan.
Jas jigit qaitys bolardan eki saǵat buryn telefon arqyly anasymen tildesken. Anasy ulynyń daýysyndaǵy ózgeristi baiqap, sebebin suraǵanda «uiqydan turyp jatyrmyn» dep qysqa qaiyrypty.
"Aqsha suratýyna qaraǵanda ar jaǵynda qysymshylyq bolǵan. 17-sinen bastap surapty, kerek bolyp jatyr dep. Sodan keiin 19-ynda ǵoi jańaǵydai jaǵdai bolǵany. Bireýden 20 myń, bireýden 30 myń suraǵan "kerek bolyp jatyr, srochno" dep. Ózi pysyq bala bolatyn. Ortasynyń aldy bolatyn. Soǵan itermelep otyr. Osynyń ashylýyn talap etemiz", - deidi marqumnyń aǵasy Qanat Qojahmetov.
Olar tergeýdiń ádil ótip, ólimge itermelegender jazalanýyn talap etedi. Sarbazdy aqtyq saparǵa shyǵaryp salýǵa kelgen áskeriler «sońǵy kezde qyzymen renjisip júrdi, ómirimen qosh aitysýyna sol sebep bolýy múmkin» degen bolatyn. Qaraly jiynda tóbe kórsetken súiiktisi muny eldiń aldynda joqqa shyǵardy. Jazba áleýmettik jelide tarady. Marqum Bekbol Mirash qatty qorqyp júrgeninin jazypty.
