فوتو: اشىق دەرەككٶز
وبلىس ەكٸمٸ ەربول قاراشٶكەەۆ بۇل جاعدايدان حاباردار ەكەنٸن ايتتى, دەپ جازادى Ult.kz Stan.kz-كە سٸلتەمە جاساپ.
ەكٸمنٸڭ ايتۋىنشا, سوڭعى مەلٸمەتكە سەيكەس ارىزدانۋشى ٶز ارىزىن قايتارىپ العان. پارا تالاپ ەتتٸ دەپ ايىپتالعان دەرٸگەر دە قارسى ارىز تٷسٸرگەن. «ۇرىپ-سوعۋ فاكتٸسٸ بولعان» دەگەن مەلٸمەت تە ايتىلدى. سول سەبەپتٸ ەكٸ تاراپ تا ارىزدارىن كەرٸ قايتارىپتى.
«سوعان قاراماستان تەكسەرۋ جٷرگٸزٸلٸپ جاتىر. دەنساۋلىق ساقتاۋ سالاسىنداعى جٷيەلٸ پروبلەمالاردى انىقتاپ, شارا قابىلدايمىز. تەكسەرٸستٸڭ نەتيجەسٸن كٷتٸپ وتىرمىز», – دەدٸ قاراشٶكەەۆ.
جۋرناليست باسقارما باسشىسى نەمەسە اۋرۋحانا جەتەكشٸلٸگٸنە قانداي دا بٸر شارا قولدانىلاتىنىن سۇراعاندا, ەكٸم:
«تەكسەرٸستٸڭ نەتيجەسٸنە قاراي شەشٸم قابىلدانادى», – دەپ جاۋاپ بەردٸ.
ەسكە سالايىق, بۇعان دەيٸن جامبىل وبلىسىندا نەرەستە دٷنيەگە كەلگەننەن كەيٸن بٸر ساعاتتان سوڭ شەتٸنەپ, اناسىنىڭ جاتىرىن الىپ تاستاۋعا مەجبٷر بولعانى حابارلانعان ەدٸ. تۋىستارىنىڭ ايتۋىنشا, ەيەل بٸر اپتا بويى اۋىر حالدە جاتقانىمەن, اقشاسى تٶلەنبەيٸنشە تيٸستٸ كٶمەك كٶرسەتٸلمەگەن.
