Foto: ashyq derekkóz
Oblys ákimi Erbol Qarashókeev bul jaǵdaidan habardar ekenin aitty, dep jazady Ult.kz Stan.kz-ke silteme jasap.
Ákimniń aitýynsha, sońǵy málimetke sáikes aryzdanýshy óz aryzyn qaitaryp alǵan. Para talap etti dep aiyptalǵan dáriger de qarsy aryz túsirgen. «Uryp-soǵý faktisi bolǵan» degen málimet te aityldy. Sol sebepti eki tarap ta aryzdaryn keri qaitarypty.
«Soǵan qaramastan tekserý júrgizilip jatyr. Densaýlyq saqtaý salasyndaǵy júieli problemalardy anyqtap, shara qabyldaimyz. Tekseristiń nátijesin kútip otyrmyz», – dedi Qarashókeev.
Jýrnalist basqarma basshysy nemese aýrýhana jetekshiligine qandai da bir shara qoldanylatynyn suraǵanda, ákim:
«Tekseristiń nátijesine qarai sheshim qabyldanady», – dep jaýap berdi.
Eske salaiyq, buǵan deiin Jambyl oblysynda náreste dúniege kelgennen keiin bir saǵattan soń shetinep, anasynyń jatyryn alyp tastaýǵa májbúr bolǵany habarlanǵan edi. Týystarynyń aitýynsha, áiel bir apta boiy aýyr halde jatqanymen, aqshasy tólenbeiinshe tiisti kómek kórsetilmegen.
