ەنشٸ قايرات نۇرتاستىڭ اناسى, كەسٸپكەر گٷلزيرا ايداربەكوۆا تانىمال تۇلعالاردىڭ بيزنەسٸن سىنعا العان نازگٷل سەتباەۆاعا نارازىلىعىن بٸلدٸردٸ. ول ٶزٸنە تيەسٸلٸ دٷكەننٸڭ تازالىعى تۋرالى ايتىلعان سٶزدەردٸ جوققا شىعارىپ, كەسٸپكەردٸ جۇلدىزداردىڭ اتىن پايدالانىپ تانىمال بولۋعا تىرىستى دەپ ايىپتادى, دەپ حابارلايدى ult.kz.
ەسكە سالا كەتەيٸك, وسىعان دەيٸن Ult.kz كەسٸپكەر ەرٸ بيزنەس تۋرالى كٸتاپ اۆتورى نازگٷل سەتباەۆانىڭ شوۋ-بيزنەس ٶكٸلدەرٸنە تيەسٸلٸ كەسٸپورىندار تۋرالى پٸكٸرٸن جارييالاعان ەدٸ.
سەتباەۆا قازاقستاندىق تانىمال ادامدار اشقان بٸرنەشە دٷكەن مەن سۇلۋلىق سالونىنا بارعانىن ايتىپ, ونداعى قىزمەت كٶرسەتۋ دەڭگەيٸنە كٶڭٸلٸ تولماعانىن جەتكٸزگەن. ول مىسال رەتٸندە گٷلزيرا ايداربەكوۆانىڭ دٷكەنٸن, جازيرا بايىربەكوۆانىڭ سالونىن جەنە اشا ماتايدىڭ كەسٸبٸن اتاعان.
كەسٸپكەردٸڭ پٸكٸرٸنشە, كەيبٸر تانىمال تۇلعالار بيزنەستٸ دامىتۋدا ٶزدەرٸنٸڭ اتاعى مەن ەلەۋمەتتٸك جەلٸدەگٸ اۋديتوريياسىنا ارقا سٷيەيدٸ. ال قىزمەت كٶرسەتۋ ساپاسىن جاقسارتۋ مەن بٸلٸكتٸ مامانداردى جۇمىسقا تارتۋ مەسەلەسٸنە جەتكٸلٸكتٸ كٶڭٸل بٶلٸنبەيدٸ.
الايدا بۇل پٸكٸر گٷلزيرا ايداربەكوۆاعا ۇناماعان. ول ٶز دٷكەنٸنٸڭ تازالىعىنا قاتىستى ايتىلعان سىنمەن كەلٸسپەي, نازگٷل سەتباەۆاعا جاۋاپ قايتاردى.
"بوياۋشى, بوياۋشى دەگەنگە ساقالىن بوياپتى» دەگەندەي, اقىلشى بولىپ ەلدٸ تاڭعالدىرىپ, اتاعى بار ادامداردىڭ ارتىنان سٶيلەپ, حايپ جيناپ, پودپيسچيك كٶبەيتپەي-اق قويشى. بٸزدٸڭ دٷكەننٸڭ تازالىعىنداي دٷكەن اشىپ, جاساپ كٶر الدىمەن. وسى مٸن ٸزدەپ, تىرناق استىنان كٸر تاۋىپ وتىراتىنداردان قالدىق قوي", – دەدٸ گٷلزيرا ايداربەكوۆا.
سونداي-اق ول نازگٷل سەتباەۆانى ٶزگەلەردٸڭ كەسٸبٸنەن كەمشٸلٸك ٸزدەۋدٸڭ ورنىنا ٶز جەتٸستٸكتەرٸن نەمەسە اناسىنىڭ كەسٸپكەرلٸك تەجٸريبەسٸن ٷلگٸ ەتۋگە شاقىردى.
گٷلزيرا ايداربەكوۆانىڭ بۇل سٶزٸنە نازگٷل سەتباەۆا دا ٷنسٸز قالمادى. ول ەشكٸمدٸ ەدەيٸ قارالاۋدى كٶزدەمەگەنٸن ايتىپ, ٶزٸنٸڭ پٸكٸرٸن تٷسٸندٸردٸ. سەتباەۆانىڭ سٶزٸنشە, ايتىلعان سىن ٶنەر ادامدارىنىڭ شىعارماشىلىعىنا نەمەسە جەكە باسىنا ەمەس, ولاردىڭ كەسٸپكەرلٸك قىزمەتٸنە قاتىستى بولعان.
وسىلايشا, كەسٸپكەردٸڭ قىزمەت كٶرسەتۋ ساپاسى تۋرالى پٸكٸرٸ ەكٸ تاراپتىڭ اراسىنداعى اشىق پٸكٸرتالاسقا ۇلاستى.
ايتا كەتەيٸك, نازگٷل سەتباەۆانىڭ دٷكەندەر مەن سالونداردىڭ تازالىعى جەنە قىزمەت كٶرسەتۋ ساپاسىنا قاتىستى ايتقاندارى ونىڭ جەكە باعاسى بولىپ سانالادى. بۇل مەلٸمدەمەلەر تەۋەلسٸز تەكسەرٸس نەتيجەسٸمەن راستالعانى تۋرالى اقپارات كەلتٸرٸلمەگەن.
