سۋرەت: اشىق دەرەككٶز
بۇل تۋرالى جامبىل وبلىستىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى قۇرمەت مەجٸكەنوۆ "AMANAT" پارتيياسى جامبىل وبلىستىق فيليالىنىڭ كەڭەيتٸلگەن وتىرىسىندا مەلٸمدەدٸ, دەپ حابارلايدى "ۇلت اقپارات" inbusiness.kz-كە سٸلتەمە جاساپ.
قۇرمەت كەنجەحانۇلىنىڭ ايتۋىنشا, جىل باسىنان بەرٸ 120 قولايسىز وتباسى جەنە قۇقىقبۇزۋشىلىق جاساعان 245 كەمەلەتكە تولماعان جاسٶسپٸرٸم پوليتسييا ەسەبٸندە تۇر.
"قازٸرگٸ تاڭدا پوليتسييانىڭ ارنايى تٸزٸمٸندە 363 جاسٶسپٸرٸم جەنە 309 قولايسىز وتباسى بار. ەسەپتە تۇرعان كەمەلەتكە تولماعاندارمەن جەنە ولاردىڭ اتا-انالارىمەن نەمەسە زاڭدى ٶكٸلدەرٸمەن جەكە پروفيلاكتيكالىق جۇمىس ٷنەمٸ جٷرگٸزٸلەدٸ, ولاردىڭ ٷي-جايى, وقۋ ورىندارى بويىنشا تەكسەرٸستەر جٷزەگە اسىرىلادى. قۇقىقبۇزۋشىلىق انىقتالعان جاعدايدا بٸز ٶز قۇزىرەتٸمٸز شەڭبەرٸندە تيٸستٸ شارالار قابىلداپ, مٷددەلٸ ورگاندارعا حابارلايمىز", - دەيدٸ قۇرمەت كەنجەحانۇلى.
سونداي-اق 4 ايدىڭ ٸشٸندە دەۆيانتتىق تەربيەدەگٸ مٸنەز قۇلقىنا بايلانىستى 9 جاسٶسپٸرٸم ارنايى رەجيمدەگٸ مەكتەپكە ورنالاستىرىلعان. ال 33 تۇلعا سوت شەشٸمٸمەن اتا-انا قۇقىعىنان ايىرىلسا, 143 جاسٶسپٸرٸمگە بەيٸمدەۋ ورتالىعىنان ورىن بٶلٸنگەن.
