Sýret: ashyq derekkóz
Bul týraly Jambyl oblystyq politsiia departamenti bastyǵynyń birinshi orynbasary Qurmet Májikenov "AMANAT" partiiasy Jambyl oblystyq filialynyń keńeitilgen otyrysynda málimdedi, dep habarlaidy "Ult aqparat" inbusiness.kz-ke silteme jasap.
Qurmet Kenjehanulynyń aitýynsha, jyl basynan beri 120 qolaisyz otbasy jáne quqyqbuzýshylyq jasaǵan 245 kámeletke tolmaǵan jasóspirim politsiia esebinde tur.
"Qazirgi tańda politsiianyń arnaiy tiziminde 363 jasóspirim jáne 309 qolaisyz otbasy bar. Esepte turǵan kámeletke tolmaǵandarmen jáne olardyń ata-analarymen nemese zańdy ókilderimen jeke profilaktikalyq jumys únemi júrgiziledi, olardyń úi-jaiy, oqý oryndary boiynsha tekserister júzege asyrylady. Quqyqbuzýshylyq anyqtalǵan jaǵdaida biz óz quzyretimiz sheńberinde tiisti sharalar qabyldap, múddeli organdarǵa habarlaimyz", - deidi Qurmet Kenjehanuly.
Sondai-aq 4 aidyń ishinde devianttyq tárbiedegi minez qulqyna bailanysty 9 jasóspirim arnaiy rejimdegi mektepke ornalastyrylǵan. Al 33 tulǵa sot sheshimimen ata-ana quqyǵynan aiyrylsa, 143 jasóspirimge beiimdeý ortalyǵynan oryn bólingen.
