فوتو: فيلارمونييانىڭ باسپاسٶز قىزمەتٸ
جامبىل اتىنداعى قازاق مەملەكەتتٸك اكادەمييالىق فيلارمونييا سوليستەرٸنٸڭ 90-شى مەرەيتويلىق ماۋسىمى اشىلدى.
فيلارمونييانىڭ ٷلكەن زالىندا ٶتكەن ايتۋلى شارادا ٶنەر ۇجىمىنىڭ جەتەكشٸ سوليستەرٸ ٶنەر كٶرسەتٸپ, تىڭدارمانعا ۇمىتىلماس مۋزىكالىق ەسەر سىيلادى. ارنايى باعدارلامادا كٶپشٸلٸك نازارىنا ۆيرتۋوزدى مۋزىكانتتاردىڭ ورىنداۋىنداعى ەلەمدٸك كلاسسيكا مەن دەستٷرلٸ مۋزىكانىڭ جاۋھارلارى ۇسىنىلدى.
ٶز تىڭدارماندارىن جانرلىق الۋاندىعىمەن تاڭداي قاقتىرعان كونتسەرتتە ۇجىمدا كٶپ جىلدان بەرٸ تاباندى ەڭبەك ەتٸپ كەلە جاقان گٷلجان ٶزەنباەۆا, ايدا ايۋپوۆا, گٷلنارا قۇرامباەۆا, ەرمەك قۇرماناەۆ سىندى قازاقستاننىڭ ەڭبەك سٸڭٸرگەن قايراتكەرلەرٸ, مەدەنيەت قايراتكەرٸ ەرجان ەلٸمبەتوۆ, ەدٸل نەسٸپباەۆ, ماقپال قازىبەكقىزى, مۇسا كەرٸمباەۆ سىندى مەدەنيەت سالاسىنىڭ ٷزدٸكتەرٸ ٶنەر كٶرسەتتٸ. ۇلتتىق جەنە ەلەمدٸك كلاسسيكانىڭ ٷيلەسٸمٸمەن ەرەكشەلەنگەن كەشتە قازاقتىڭ حالىق ەنٸ «اقباقاي», ٷكٸلٸ ىبىرايدىڭ «گەككۋٸنەن» باستاپ ەيگٸلٸ باحتىڭ ورگانعا ارنالعان «توككاتا جەنە فۋگا رە مينور» سىندى تۋىندىلارى ورىندالدى.
ايتا كەتۋ كەرەك, تاريح تولقىنىندا تالاي مەدەني وقيعالارعا كۋە بولعان فيلارمونييا ٷشٸن دەستٷرلٸ ٶنەر مەن وتاندىق كومپوزيتورلاردىڭ ەڭبەكتەرٸن كەڭٸنەن ناسيحاتتاۋ – باستى قاعيدا سانالادى. بۇل رەتتە ۇجىم توقسان جىل بويى وسى باعىتتان تايماي, ٶنەر بيٸگٸن باعىندىرىپ كەلەدٸ. فيلارمونييا سوليستەرٸنٸڭ بٷگٸنگٸ ماۋسىماشار كونتسەرتٸ وسى ٷردٸسكە ايقىن دەلەل بولدى.
