نۇر-سۇلتان قالاسىنداعى №2 كٶپبەيٸندٸ قالالىق اۋرۋحاناسى وتباسىن جوسپارلاۋ ورتالىعىنىڭ گينەكولوگ-ەندوكرينولوگى ايگٷل مۇساباەۆا «ەكوعا» قاتىسۋشىلاردىڭ جاس شەكتەۋٸنە قاتىستى ٶزگەرٸستەردٸ اتادى, دەپ حابارلايدى قازاقپارات تٸلشٸسٸ.
«اڭساعان سەبي» باعدارلاماسى بويىنشا بالا سٷيۋگە كٸمنٸڭ مٷمكٸندٸگٸ بار? بۇل باعدارلاما بويىنشا جاساندى جولمەن ۇرىقتاندىرۋ ەدٸسٸن بالا سٷيۋگە ٷمٸتتٸ, رەپرودۋكتيۆتٸ جاستاعى كەز كەلگەن جۇپ پايدالانا الادى. كونسەرۆاتيۆتٸ جولمەن ەمدەۋ نەتيجە بەرمەيتٸن بەدەۋلٸك ديگانوزى قويىلعان پاتسيەنتتەرگە ارنالعان. «ەكوعا» وتباسىلىق جۇپتار دا, جالعىزباستى ەيەلدەر دە قاتىسا الادى. قازاقستان ازاماتى بولۋ جەنە پاتسيەنتتەردٸڭ مٸندەتتٸ مەديتسينالىق ساقتاندىرۋى بولۋ كەرەك», - دەگەن مامان مەديتسينالىق ساقتاندىرۋ جٷيەسٸندە «ەكوعا» قاتىسۋشىلار قانداي كريتەرييمەن ٸرٸكتەلەتٸنٸن ايتتى.
«ەڭ بٸرٸنشٸ رەپرودۋكتيۆتٸ جاستاعى پاتسيەنتتەر, ەرلەر فاكتورىنا بايلانىستى بەدەۋلٸك, ەيەلدٸڭ جاتىر تٷتٸكشەلەرٸنٸڭ ەكەۋٸ دە بٸتەلگەن جاعدايدا نەمەسە وتامەن الىنعان كەزدە حيرۋرگييالىق گيستەروسكوپييا, لاپاروسكوپييا, ەم-شارا نەتيجەسٸ بولماعان كەزدە «ەكوعا» جٷگٸنە الادى. گورمونالدى ەمدەۋ نەتيجەسٸز بولعان بەدەۋلٸك تٷرٸ دە «ەكوعا» جاتادى. جوعارى تەحنولوگييالاردىڭ بەرٸن پايدالانسا دا, بٸر جىلدان اسا بالا كٶتەرە الماۋدىڭ بەلگٸسٸز گەنەزٸ دە «ەكو» جاساتۋعا نەگٸز بولادى. جامباس مٷشەلەرٸنٸڭ ەندومەتريوزىنا بايلانىستى بەدەۋلٸك تە «ەكوعا» جاتادى», - دەدٸ گينەكولوگ-ەندوكرينولوگى.
ماماننىڭ مەلٸمەتٸ بويىنشا, ەكوۇرىقتاندىرۋعا قاتىساتىن ەيەلدەردٸڭ جاسىنا قاتىستى شەكتەۋ الىنعان.
«دەنساۋلىق ساقتاۋ مينيسترلٸگٸنٸڭ №272 بۇيرىعى بويىنشا كۆوتا بەرۋ مٷمكٸندٸگٸ كەڭەيدٸ. بۇرىن ٷمٸتكەرلەردٸڭ جاسى 42 جاسقا دەيٸن شەكتەۋلٸ بولعان. جاڭا بۇيرىق بويىنشا ەيەل رەپرودۋكتيۆتٸ جاستا بولۋى كەرەك. وسى اتالعان كٶرسەتكٸشتەر بۇرىنعى بۇيرىقتا بولماعان. سوندىقتان بۇل «ەكوعا» ٷمٸتكەرلەردٸڭ سانىن ارتتىرادى», - دەدٸ ايگٷل مۇساباەۆا.
