بٸلٸم جەنە عىلىم مينيسترٸ اسحات ايماعامبەتوۆ بۇرىنعى ۆيتسە-مينيستر فاتيما جاقىپوۆانىڭ ديسسەرتاتسيياسىنا قاتىستى پٸكٸر بٸلدٸردٸ, دەپ حابارلايدى Sputnik قازاقستان.
"جالپى, بۇل ديسسەرتاتسييا 2009 جىلى ەل-فارابي اتىنداعى قازاق ۇلتتىق ۋنيۆەرسيتەتٸندە قورعالعان. سول ۋاقىتتاعى بارلىق تالاپقا ساي دەپ سانايمىز. سوندىقتان بٷگٸندە زاڭناما شەڭبەرٸندە ول عىلىمي اتاقتى قايتارىپ الۋعا مٷمكٸندٸگٸمٸز بولماي تۇر", - دەدٸ ايماعامبەتوۆ سەناتتىڭ پلەنارلىق وتىرىسىندا.
مينيستر سەناتورلاردىڭ دەپۋتاتتىق ساۋالىنا اۋىزشا جاۋاپ بەرۋ ٷشٸن وتىرىسقا ارنايى كەلدٸ. ٶز سٶزٸندە ول بۇرىنعى ۆيتسە-مينيستر فاتيما جاقىپوۆانىڭ ٶز ەركٸمەن جۇمىستان كەتكەنٸن دە ەسكە سالدى.
"ەندٸ, جالپى بۇل كٸسٸنٸ ٶزدەرٸڭٸز بٸلەسٸزدەر, ٶتٸنٸشٸن جازدى. سول ٶتٸنٸشتٸڭ شەڭبەرٸندە قازٸر مينيسترلٸكتە جۇمىس ٸستەمەيدٸ", - دەپ اتاپ كٶرسەتتٸ ايماعامبەتوۆ.
ونىڭ ايتۋىنشا, بيىل قازاقستان العاش رەت پلاگياتقا قارسى جاڭا جٷيەگە قوسىلدى. ونى ەلەم بويىنشا 15 مىڭ ٷزدٸك ۋنيۆەرسيتەت پايدالانادى.
"ەندٸ, بارلىق كۋرستىق جۇمىس, ديپلوم مەن ديسسەرتاتسييا وسى جٷيەدەن ٶتەتٸن بولادى. ول – بٸر. ەكٸنشٸدەن, عىلىمي جۇمىستار جٷيەدەن ٶتٸپ قانا قويماي, سول جٷيەدە ساقتالادى. سٶيتٸپ, بٸر رەت جازىلعان جۇمىستى ەكٸنشٸ رەت قورعاۋعا مٷمكٸندٸك بولمايدى", - دەپ اتاپ كٶرسەتتٸ ايماعامبەتوۆ.
ايتا كەتەيٸك, بۇعان دەيٸن سەنات دەپۋتاتى ەدٸل مامىتبەكوۆ پلاگيات تٶڭٸرەگٸندەگٸ داۋدان كەيٸن بٸلٸم جەنە عىلىم ۆيتسە-مينيسترٸ فاتيما جاقىپوۆانى قىزمەتٸنەن بوساتۋ مەسەلەسٸن قوزعاعان بولاتىن. ٷكٸمەت باسشىسى اسقار مامينگە جولداعان دەپۋتاتتىق ساۋالىندا مامىتبەكوۆ بٸلٸم سالاسىندا قوردالانعان مەسەلەلەردٸ كٶتەردٸ. سونىڭ بٸرٸ - بٸلٸم جەنە عىلىم مينيسترٸنٸڭ ورىنباسارى فاتيما جاقىپوۆانىڭ "جالعان عالىم" اتانۋى.
"سٸزدەر بٸلەسٸزدەر, بٸر ايدان استام ۋاقىت بويى وتاندىق باق پەن شەتەلدٸك ۇيىمدار قازاقستاندىق ۆيتسە-مينيستردٸڭ پلاگياتىن تالقىلاپ جاتىر. قازٸر ەلەمدە مويىندالعان ەكٸ انتيپلاگياتتىق جٷيە باسقا بٸرەۋدٸڭ عىلىمي جۇمىسىن پايدالانۋ فاكتٸسٸن راستاپ وتىر. مۇنداي جاعدايدا ۆەدومستۆولىق ۇلتتىق مەملەكەتتٸك عىلىمي-تەحنيكالىق ساراپتاما ورتالىعىن پايدالانىپ, قازاقستاندىق قوعامدى جاڭىلىستىرۋ - مەملەكەتتٸك قىزمەتكەردٸڭ ەتيكالىق كودەكسٸن بۇزۋ بولىپ سانالادى", - دەدٸ دەپۋتات.
سەنات دەپۋتاتى "جالعان عالىم" دەپ ايىپتالعان ۆيتسە-مينيستردٸڭ ەلٸ دە ٶز قىزمەتٸندە جٷرگەنٸن ايتتى.
"نەگە ەلٸ كٷنگە دەيٸن كادرلىق شەشٸم قابىلدانعان جوق?", - دەدٸ مامىتبەكوۆ.
ەرتەسٸندە بٸلٸم جەنە عىلىم مينيسترلٸ ۆيتسە-مينيستردٸڭ جۇمىستان بوساتىلعانىن حابارلادى.
