بٷگٸن پارلامەنت مەجٸلٸسٸندەگٸ جالپى وتىرىستا قر باس پروكۋرورى جاقىپ اسانوۆ ٶزٸ باسقارىپ وتىرعان سالانىڭ باستى كەمشٸلٸكتەرٸن اتادى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«بٸزدٸڭ زاڭدارىمىزدا پروكۋراتۋرانىڭ ناقتى قۇزىرەتٸ ايقىندالماعان, ياعني جۇمىس اۋقىمى مەن ونىڭ شەگٸ ناقتىلانباعان. كەز كەلگەن سالانىڭ ٶزٸنٸڭ تەرتٸبٸ بار جەنە ولار سوعان تەۋەلدٸ. ەربٸر مينيسترلٸكتٸڭ, مەملەكەتتٸڭ ورگاننىڭ جاۋاپتى سالاسى بار, ٶزٸنٸڭ باعىتىندا زاڭدىلىقتى قامتاماسىز ەتەدٸ. ال پروكۋراتۋرا بولسا, سولاردى قايتالايمىن دەپ, جاعالاسىپ, ولاردىڭ جۇمىسىنا ارالاسا بەرەمٸز. كٸمدٸ تەكسەرەمٸز دەسەك تە, ٶز ەركٸمٸز. شىنىن ايتساق, بٸز ارالاسپايتىن جەر قالمادى. وسىنىڭ كەسٸرٸنەن حالقىمىزدىڭ جانىنا باتىپ, كٶڭٸلٸنە تيٸپ جٷرگەن مەسەلەلەردٸ شەتكەرٸ قالدىردىق. نەگە? ٶيتكەنٸ ۋاقىتىمىز جوق دەيمٸز, بٸزدە جالپى قاداعالاۋ بار, ياعني بيزنەستٸ جەنە مەملەكەتتٸك ورگانداردى تەكسەرۋٸمٸز كەرەك دەپ سولاي قاراي اۋىپ كەتكەنبٸز. ال قىلمىستىق پروتسەسس ٶز بەتٸنشە قالدى», - دەپ توقتالدى باس پروكۋرور «پروكۋراتۋرا تۋرالى» زاڭ جوباسىن تانىستىرۋ بارىسىندا.
وسى ورايدا ول ەلٸمٸزدە 60-قا جۋىق باقىلاۋشى ەرٸ تەكسەرۋ ورگاندار ەكەنٸن, دەگەنمەن ولاردىڭ جۇمىسىن دا پروكۋراتورا ٶزٸنە ٸلٸپ العانىن سىنعا الدى.
«بۇل ورگاندار دا بۇل ٷردٸسكە ٷيرەنٸپ كەتتٸ. ولار قيت ەتسە بولدى جاۋاپكەرشٸلٸكتەن قاشىپ, پروكۋراتۋراعا بارىڭىز دەيدٸ. پروكۋراتۋراعا دا بۇل ىڭعايلى, ياعني قالاسا تەكسەرەدٸ نەمەسە باسقالارعا ىسىرا سالادى. مۇنىڭ بارلىعى جەمقورلىققا اپاراتىن تۋرا جول. جالپى, كەز كەلگەن پروبلەمانى شەشەتٸن, بٷكٸل ارىزداردى قارايتىن بٸر ەمبەباپ ورگان بولۋ مٷمكٸن ەمەس. مۇنداي ەشبٸر ەلدە دە جوق. بٸز بولساق قاداعالاۋشى ورگانبىز دەپ بارلىعىن ٷيرەتٸپ الدىق, بٸراق قاتىسى بار ما, جوق پا وعان قارامادىق», - دەدٸ اسانوۆ.
ونىڭ سٶزٸنە قاراعاندا, بىلتىردىڭ ٶزٸندە پروكۋراتۋراعا 350 مىڭ ارىز تٷسكەن, وسى ورايدا بۇنىڭ بارلىعىن قامتۋدا تيٸستٸ ساپا بولمايدى.
ايتا كەتەيٸك, اتالعان زاڭ جوباسىندا جوعارى قاداعالاۋدىڭ شەكتەرٸ مەن نىساندارى ايقىندالعان, ونىڭ نەگٸزگٸ باعىتتارى ناقتىلانعان, مەملەكەتتٸك ورگاندار مەن كەسٸپكەرلٸك سۋبەكتٸلەر قىزمەتٸنٸڭ زاڭدىلىعىن ساقتاۋ ٷشٸن جوعارى قاداعالاۋدىڭ شەكارالارى بەلگٸلەندٸ.
