فوتو: © Sputnik / ۆلاديسلاۆ ۆودنەۆ
مەدەنيەت جەنە اقپارات مينيسترٸ ايدا بالاەۆا جازۋشى كەمەل توقاەۆتىڭ 100 جىلدىق مەرەيتويىن ٶتكٸزۋگە قاتىستى پٸكٸر بٸلدٸردٸ, دەپ حابارلايدى Sputnik قازاقستان.
بٷگٸن ورتالىق كوممۋنيكاتسييالار قىزمەتٸندە جۋرناليستەر جازۋشى كەمەل توقاەۆتىڭ تۋعانىنا 100 جىل تولۋىنا ارنالعان كونفەرەنتسييانى ٶتكٸزۋگە قاتىستى سۇراق قويدى. سەبەبٸ ەلەۋمەتتٸك جەلٸدە "وسىنداي جيىندار ارقىلى پرەزيدەنتتٸڭ جەكە باسىنا تابىنۋ بار" دەگەن پٸكٸرلەر تارادى. كٶكپار ۇيىمداستىرىلدى, ال قازۇۋ-دا كەمەل توقاەۆتىڭ اۋديتوريياسى اشىلدى.
مينيستردٸڭ ايتۋىنشا, كەمەل توقاەۆقا پرەزيدەنتتٸڭ ەكەسٸ رەتٸندە ەمەس, الدىمەن بەلگٸلٸ جازۋشى رەتٸندە قاراۋ كەرەك.
"مەنٸڭشە, كٸشكەنتاي اۋديتورييانىڭ اشىلۋىنا قاتىستى وسىنداي داۋ-دامايدىڭ بولعانى ۇيات نەرسە. بٸرٸنشٸدەن, بٸز كەمەل توقاەۆتىڭ تۇلعاسىن پرەزيدەنتتٸڭ ەكەسٸ رەتٸندە قابىلداماۋىمىز كەرەك. ول كٸسٸ بەلگٸلٸ جازۋشى, قازاق دەتەكتيۆ جانرىنىڭ نەگٸزٸن قالاۋشى, كەڭەس ٷكٸمەتٸ كەزٸندە وقىرمان ٸزدەپ وقيتىن جازۋشىلاردىڭ بٸرٸ بولدى. جۋرناليستيكا سالاسىنا ٷلكەن ەڭبەك سٸڭٸرگەن مايدانگەر تۇلعا. ەكٸنشٸدەن, مۇنداي شارالار كٷندە جاسالىپ جاتقان جوق. ول كٸسٸنٸڭ 100 جىلدىق مەرەيتويىنا ارنالىپ وتىر. بيىل مۇزافار ەلٸمباەۆ, تاحاۋي احتانوۆ جەنە تاعى باسقا جازۋشىلاردىڭ مەرەيتويى اتالىپ ٶتەدٸ", - دەدٸ بالاەۆا.
مينيستر كٶكپارعا مەملەكەت تاراپىنان اقشا بٶلٸنبەگەنٸن دە ايتتى. ونى ارنايى قور ۇيىمداستىردى. ال كەمەل توقاەۆتىڭ 100 مەرەيتويىن ٶتكٸزۋ - جاعىمپازدىق ەمەس.
"مەنٸڭ ويىمشا, مەرەيتوي بۇرىن دا اتالىپ ٶتكەن. بٸراق ەلەۋمەتتٸك جەلٸ بولماعاننان كەيٸن اقپارات از بولدى. سودان كٶبٸسٸ بٸلمەي قالدى. 90 جىلدىعىنا دا كٸتاپتارى شىعارىلدى, كونفەرەنتسييالار ٶتكٸزٸلگەن. جاعىمپازدىق دەپ سانامايمىن. ونىڭ كەرەگٸ دە جوق", - دەپ اتاپ كٶرسەتتٸ بالاەۆا.
