"حالىق كوممۋنيستەرٸ" فراكتسيياسىنىڭ دەپۋتاتتارى مٷگەدەك بالانى تەربيەلەپ وتىرعان اتا-انانىڭ زەينەت جاسىن تٶمەندەتۋدٸ ۇسىندى. وسىعان وراي, ولار ٷكٸمەت باسشىسىنىڭ ورىنباسارى گٷلشارا ەبدٸقالىقوۆاعا دەپۋتاتتىق ساۋال جولدادى, دەپ حابارلايدى Sputnik قازاقستان.
اتا-اناعا قاجەتتٸ جەڭٸلدٸكتەر
دەپۋتات ماگەررام ماگەرراموۆتىڭ ايتۋىنشا, وسى ساناتتاعى وتباسىلارعا ارنايى مەرتەبە بەرۋ كەرەك. سٶيتٸپ, زەينەت جاسىن تٶمەندەتٸپ, جۇمىس ٸستەيتٸن اتا-انالارعا تاعى بٸرقاتار جەڭٸلدٸك بەرگەن دۇرىس.
"بٸز مٷگەدەك بالانى تەربيەلەپ وتىرعان اتا-انانىڭ زەينەت جاسىن تٶمەندەتۋدٸ ۇسىنامىز. سونداي-اق, اتا-انانىڭ بٸرەۋٸن جۇمىستان ەرتە جٸبەرۋ مەسەلەسٸن قاراستىرعان جٶن. سەبەبٸ مٷگەدەك بالاعا تەۋلٸك بويى قاراۋ قاجەت. وعان بٸراز كٷش-جٸگەر كەتەدٸ. پسيحولوگييالىق جٷكتەمە دە از ەمەس", - دەدٸ ماگەرراموۆ مەجٸلٸستٸڭ جالپى وتىرىسىندا.
مٷگەدەك بالالارعا قانداي كٶمەك كەرەك?
فراكتسييا دەپۋتاتتارى قامقورشىلىقتى رەسٸمدەۋ تەرتٸبٸن دە جەڭٸلدەتۋ كەرەك دەپ سانايدى. ٶيتكەنٸ قازٸرگٸ كەزدە بۇل پروتسەدۋرالارعا 9 ايعا دەيٸن كەتەدٸ. وسى ۋاقىتتىڭ ٸشٸندە ەشقانداي قارجىلاي كٶمەك بەرٸلمەيدٸ. وندايدا تولىق ەمەس وتباسىلار قاتتى قينالادى.
بۇدان بٶلەك, دەپۋتات ماگەرراموۆ ارنايى ورتوپەدييالىق اياق كيٸمدٸ تاراتۋ تەرتٸبٸن قايتا قاراپ, بالاباقشالاردا مٷگەدەك بالالار ٷشٸن ارنايى توپتاردى اشۋدى ۇسىندى.
"سوسىن مٷگەدەك بالالاردى ستوماتولوگييالىق ەمدەۋ جاعىنان بٸرقاتار قيىندىق بار. مەملەكەتتٸك ەمحانالاردىڭ بارلىعىندا تولىققاندى ەم-دوم جاسامايدى. وسى مەديتسينالىق قىزمەتتٸڭ ساپاسى دا تٶمەن. ال جەكەمەنشٸك ستوماتولوگييالاردا قىزمەت اقىسى قىمبات", - دەپ اتاپ كٶرسەتتٸ ماگەرراموۆ.
قازاقستاندا كٸمنٸڭ زەينەت جاسى ۇلعايادى?
قازاقستاندا ەيەلدەردٸڭ زەينەت جاسىن 2027 جىلعا دەيٸن بٸرتٸندەپ 63 جاسقا دەيٸن ۇلعايتۋ جوسپارلانعان. دەگەنمەن, كەيبٸر ەيەلدەردٸڭ زەينەت جاسى ٶزگەرمەيدٸ. ولاردىڭ ٸشٸندە كٶپبالالى انالار جەنە سەمەي يادرولىق پوليگونىندا تۇرعان ەيەلدەر بار.
مەسەلەن, بەس جەنە ودان كٶپ بالاسى بار ەيەلدەر 53 جاستا زەينەتكە شىعا الادى. ال سەمەي يادرولىق پوليگونىنىنىڭ جوعارى رادياتسييالىق قاۋپٸ بار ايماقتاردا بەس جىلدان ارتىق تۇرعان ەيەلدەرگە 45 جاستا زەينەتكە شىعۋعا رۇقسات بار.
