ۋكراينا پرەزيدەنتٸ ۆلاديمير زەلەنسكيي "رەسەيدٸڭ ۋكراينانىڭ ەنەرگەتيكالىق ينفراسترۋكتۋرالارىن اتقىلاپ, حالىقتى جىلۋ مەن جارىقتان اجىراتۋ تاكتيكاسى ۋكراينانىڭ رۋحىن سىندىرا المايدى" دەدٸ.
ول بريتانييالىق Financial Times باسىلىمىنا بەرگەن سۇحباتىندا "ۋكراينانىڭ سوعىستاعى ماقساتى – رەسەي وككۋپاتسييالاپ العان جەرلەرٸن, سونىڭ ٸشٸندە قىرىمدى دا قايتارۋ" دەپ مەلٸمدەدٸ.
"بٸز بٷكٸل جەرٸمٸزدٸ قايتارۋىمىز كەرەك, سەبەبٸ, مەنٸڭ ويىمشا, مايدان – ديپلوماتييا بولماعانداعى جول. ەگەر جەرٸڭٸزدٸ قايتارا الماساڭىز, وندا سوعىس تولىق توقتاماعانى" - دەدٸ زەلەنسكيي سۇحباتىندا.
ۋكراينا باسشىسى قىرىمعا قاتىستى سۇراققا "ەگەر كٸمدە-كٸم بٸزگە قىرىمدى ەسكەري جولمەن ازات ەتۋدٸ ۇسىنسا, مەن قولدايمىن" دەي كەلە, "كٸمدە-كٸم بەيبٸتشٸلٸك ٷشٸن قىرىمدى رەسەيدە قالدىرۋدى ۇسىنسا, بۇل ۇسىنىستى ۋكراينا قابىلدامايدى" دەگەندٸ مەڭزەدٸ.
"ەشكٸم مۇنداي ۇسىنىستى ايتىپ, ۋاقىت جوعالتپاي-اق قويسىن" دەدٸ ول.
بۇعان دەيٸن باسىلىمدار اقش پرەزيدەنتٸنٸڭ ۇلتتىق قاۋٸپسٸزدٸك بويىنشا كەڭەسشٸسٸ دجەيك سالليۆان ۋكراينا بيلٸگٸن قىرىمدى قايتارىپ الۋ ويىنان قايتۋدى ۇسىنعانىن جازعان. بٸراق بۇل تۋرالى رەسمي اقپارات بولمادى.
رەسەي ۋكرايناعا سوعىس اشپاي تۇرىپ, ۋكراينا قىرىمدى قايتارۋ ٷشٸن ەسكەري وپەراتسييا باستايتىنى جايلى رەسمي مەلٸمدەمە جاساماعان ەدٸ. كەيٸن سوعىس باستالعان سوڭ كيەۆتٸڭ رەسمي پوزيتسيياسى ٶزگەرٸپ, ۋكراينا بيلٸگٸ وككۋپاتسييالانعان جەرلەرٸن قايتارسا عانا, رەسەيمەن بەيبٸت كەلٸسٸمگە كەلەتٸنٸن بٸرنەشە رەت مەلٸمدەگەن.
كەيٸنگٸ ۋاقىتتا رەسەي ۋكراينانىڭ ينفراسترۋكتۋرالارىنا راكەتامەن شابۋىلداۋدى جيٸلەتتٸ. 23 قاراشاداعى جاپپاي جاسالعان شابۋىلدان سوڭ ەلدٸڭ بٸراز بٶلٸگٸ جارىقسىز قالدى.
