ۋكراينا پرەزيدەنتٸ ۆلاديمير زەلەنسكيي ۋكراينانىڭ قازاقستانداعى ەلشٸسٸ پەتر ۆرۋبلەۆسكييدٸ قىزمەتٸنەن بوساتتى. زەلەنسكيي قول قويعان جارلىق پرەزيدەنت كەڭسەسٸنٸڭ سايتىندا جارييالاندى.
"پەتر يۋرەۆيچ ۆرۋبلەۆسكيي ۋكراينانىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ قىزمەتٸنەن بوساتىلسىن", - دەلٸنگەن جارلىق مەتٸنٸندە.
ەسكە سالا كەتەيٸك, بۇعان دەيٸن بٸرقاتار باق ۋكراينا ەلشٸسٸ پەتر ۆرۋبلەۆسكييدٸڭ قازاقستاندىق بلوگەر دياس قۇزايىرعا بەرگەن سۇحباتىنان ٷزٸندٸ تاراتقان بولاتىن. وندا ديپلومات "ورىستاردى نەعۇرلىم كٶپ ٶلتٸرسەك, بالالارىمىزدىڭ قولى قانعا سوعۇرلىم ازىراق مالىنادى" دەگەن ەدٸ.
كەيٸنٸرەك ۆرۋبلەۆسكيي قازاقستاننىڭ Cىرتقى ٸستەر مينيسترلٸگٸنە شاقىرىلدى, ۆەدومستۆو ونىڭ مەلٸمدەمەسٸنە نارازىلىق بٸلدٸردٸ. سودان سوڭ ۋكراينا ەلشٸسٸ قازاقستاننان كەشٸرٸم سۇرادى.
ايتا كەتەيٸك, پەتر ۆرۋبلەۆسكيي 1970 جىلى 15 شٸلدەدە دٷنيەگە كەلگەن. تاراس شەۆچەنكو اتىنداعى كيەۆ ۇلتتىق ۋنيۆەرسيتەتٸنٸڭ حالىقارالىق قاتىناستار ينستيتۋتىن بٸتٸرگەن.
تٷرلٸ قۇقىقتىق جەنە قارجىلىق قۇرىلىمداردا جۇمىس ٸستەگەن. 1997 جىلدان ديپلوماتييالىق قىزمەتتە. ۋكراينانىڭ يندونەزيياداعى, تايلاندتاعى, ۆەتنامداعى ەلشٸلٸكتەرٸندە جۇمىس ٸستەگەن. سونداي-اق, ۋكراينا پرەزيدەنتٸنٸڭ حاتشىلىعىندا جەنە پرەمەر-مينيسترٸنٸڭ كەڭسەسٸندە تٷرلٸ قىزمەتتەر اتقارعان.
قازاقستانداعى ەلشٸ بولىپ تاعايىندالعانعا دەيٸن ۋكراينانىڭ بەلارۋستەگٸ ەلشٸلٸگٸنٸڭ مينيستر كەڭەسشٸسٸ قىزمەتٸن اتقارعان.
