ۋكراينا پرەزيدەنتٸ ۆلاديمير زەلەنسكيي 12 رەسەيلٸك تۇتقىنعا راقىمشىلىق جاساۋ تۋرالى جارلىققا قول قويدى. ولار كيەۆ پەن مەسكەۋ اراسىنداعى تۇتقىندار الماستىراتىن ورىنعا جەتكٸزٸلگەن. بۇل اقپاراتتى Facebook-تاعى پاراقشاسىندا ادۆوكات ۆالەنتين رىبين حابارلادى.
زاڭگەردٸڭ ايتۋىنشا, بٸر رەسەيلٸك تۇتقىنعا راقىمشىلىق جاسالماعان, ارنايى ورىنعا دا جەتكٸزٸلمەگەن. رىبيننٸڭ ايتۋىنشا, بۇل - ۋكراينا شىعىسىنداعى قاقتىعىس كەزٸندە سەپاراتيستەر قاتارىندا سوعىسقان, سول ٷشٸن 15 جىلعا سوتتالعان رۋسلان گادجيەۆ.
بۇعان دەيٸن رەسەي پرەزيدەنتٸ ۆلاديمير پۋتين ەكٸ ەل اراسىنداعى تۇتقىندارمەن الماسۋ بويىنشا كەلٸسسٶزدٸڭ اياقتالۋعا از قالعانىن مەلٸمدەگەن. بٸراق ەكٸ ەلدٸڭ ناقتى قاشان الماساتىنىن اشىپ ايتپاعان. ونىڭ باسپاسٶز حاتشىسى دميتريي پەسكوۆ تا ول جايلى تٸس جارمادى. قۇپييا دەرەككٶزٸنە سٷيەنگەن "ينتەرفاكستٸڭ" حابارلاۋىنشا, 7 قىركٷيەكتە ەكٸ ەل بٸر-بٸرٸنە ازاماتتارىن تاپسىرۋى مٷمكٸن.
رەسەي بيلٸگٸ ۋكراينادا ناقتى كٸمدەردٸڭ بوساتىلۋى مٷمكٸن ەكەنٸن ايتپادى. بولجام بويىنشا, ولاردىڭ بٸرٸ ۋكرايناداعى ريا نوۆوستي اگەنتتٸگٸنٸڭ باس رەداكتورى كيريلل ۆىشينسكيي بولۋى مٷمكٸن. جاقىندا ۋكراينا سوتى ونى بوساتقان. ال رەسەيدە بوساتىلۋى مٷمكٸن ازاماتتار اراسىندا ۋكراينالىق رەجيسسەر ولەگ سەنتسوۆ, ٶتكەن جىلدىڭ اياعىندا كەرچ بۇعازىندا رەسەيلٸك ەسكەريلەر ۇستاعان ۋكراينالىق تەڭٸزشٸلەر دە بار. كەيبٸر دەرەككٶزدەر تەڭٸزشٸلەردٸڭ بارلىعى بوساتىلماۋى مٷمكٸن دەپ بولجايدى.
تٷرلٸ دەرەك بويىنشا, مەسكەۋ مەن كيەۆ ٶزارا 33-35 تۇتقىنمەن الماسۋدى كٶزدەپ وتىر.
