بٸرىڭعاي جيناقتاۋشى زەينەتاقى قورى (بجزق) ەنگٸزگەن ەڭ تٶمەنگٸ جەتكٸلٸكتٸلٸك شەگٸن ەسەپتەۋدٸڭ جاڭا ەدٸستەمەسٸ زەينەتاقى جيناعىن مەرزٸمٸنەن بۇرىن پايدالانا الاتىن ازاماتتاردىڭ سانىن كٷرت قىسقارتتى. ەندٸ بەلگٸلەنگەن شەكتەن جوعارى جيناعى بارلاردىڭ سانى 30 مىڭنان سەل عانا اسادى, دەپ حابارلايدى ult.kz.
قوردىڭ مەلٸمەتٸنشە, جاڭا ەدٸستەمە ەنگٸزٸلگەنگە دەيٸن مۇنداي مٷمكٸندٸككە شامامەن 500 مىڭ ازامات يە بولعان. الايدا ەسەپتەۋ تەرتٸبٸ قايتا قارالعاننان كەيٸن بۇل كٶرسەتكٸش 16 ەسەدەن استام تٶمەندەگەن.
سوڭعى دەرەكتەرگە سەيكەس, 2026 جىلدىڭ 5–10 ماۋسىمى ارالىعىندا جەتكٸلٸكتٸلٸك شەگٸنٸڭ ۇلعايۋىنان كەيٸن تۇرعىن ٷي جاعدايىن جاقسارتۋعا ارنالعان بٸرجولعى زەينەتاقى تٶلەمدەرٸ بويىنشا نەبەرٸ 52 ٶتٸنٸش ورىندالعان.
بجزق ەسكە سالعانداي, 2021 جىلدىڭ قاڭتارىنان 2026 جىلدىڭ 31 مامىرىنا دەيٸن قازاقستاندىقتار زەينەتاقى جيناقتارىنىڭ بٸر بٶلٸگٸن تۇرعىن ٷي ساتىپ الۋعا جەنە ەمدەلۋگە مەرزٸمٸنەن بۇرىن پايدالانۋ مٷمكٸندٸگٸن كەڭٸنەن قولداندى. وسى ۋاقىت ارالىعىندا بۇل قۇقىقتى شامامەن 1,5 ميلليون ادام پايدالانعان. ونىڭ ٸشٸندە 950 مىڭعا جۋىق ازامات تۇرعىن ٷي جاعدايىن جاقسارتسا, 570 مىڭنان استام ادام ەمدەلۋ شىعىندارىن ٶتەگەن.
جالپى العاندا, ازاماتتار 5,8 تريلليون تەڭگە كٶلەمٸندەگٸ زەينەتاقى جيناعىن پايدالانعان. ونىڭ 5 تريلليون تەڭگەدەن استامى جەتكٸلٸكتٸلٸك شەگٸنەن اساتىن قاراجات بولسا, 4,8 تريلليون تەڭگەدەن استامى تۇرعىن ٷيگە, ال شامامەن 1 تريلليون تەڭگەسٸ ەمدەلۋگە جۇمسالعان.
ايتا كەتەيٸك, وسى ايدىڭ باسىنان باستاپ ەڭ تٶمەنگٸ جەتكٸلٸكتٸلٸك شەگٸن ەسەپتەۋ تەرتٸبٸ جاڭارتىلدى. ەندٸ ەسەپتەۋ كەزٸندە سالىمشىنىڭ جاسى عانا ەمەس, زەينەتكە شىققانعا دەيٸنگٸ كەزەڭٸ, بولاشاق زەينەتاقى تٶلەمدەرٸنٸڭ كٶلەمٸ, ينۆەستيتسييالىق تابىس جەنە باسقا دا ۇزاق مەرزٸمدٸ قارجىلىق فاكتورلار ەسكەرٸلەدٸ.
