جالپىۇلتتىق سوتسيال-دەموكراتييالىق پارتييا (جسدپ) جەتەكشٸلەرٸنٸڭ بٸرٸ زەۋرەش باتتالوۆا ازاتتىققا اتالعان پارتيياداعى قىزمەتٸن نە ٷشٸن دوعاراتىنىنا قاتىستى تاياۋ كٷندەرٸ ارنايى مەلٸمدەمە جاسايتىنىن ايتتى. باتتالوۆا جسدپ پارتيياسىنان شىعاتىنىن كەشە, سەۋٸردٸڭ 26-سى كٷنٸ Facebook ەلەۋمەتتٸك جەلٸسٸندە حابارلاعان.
بٷگٸن, سەۋٸردٸڭ 27-سٸندە ازاتتىق تٸلشٸسٸمەن سٶيلەسكەن باتتالوۆا جسدپ قاتارىنان نە ٷشٸن شىعاتىنى جايلى تاياۋ كٷندەرٸ ارنايى مەلٸمدەمە جاسايتىنىن, ەزٸرگە كٷتە تۇراتىنىن ايتتى. ونىڭ سٶزٸنشە "جسدپ پارتيياسىنىڭ جۇمىسىنان كٶڭٸلٸ قالعان".
بۇرىنعى سەنات دەپۋتاتى, "قازاقستاندا پارلامەنتاريزمدٸ دامىتۋ" قورىنىڭ پرەزيدەنتٸ زەۋرەش باتتالوۆا 2017 جىلدىڭ باسىندا جالپى ۇلتتىق سوتسيال دەموكراتييالىق پارتييانىڭ اتقارۋشى ورگانى – تٶرالقا تٶرايىمى بولىپ سايلانعان. جسدپ تٶراعاسى جارماحان تۇياقباي زەۋرەش باتتالوۆانىڭ جاڭا قىزمەتٸن "پارتيياداعى بيلٸكتٸ بٶلٸسۋ, بيلٸكتٸ بٸرتٸندەپ كەيٸنگٸ بۋىنعا ٶتكٸزۋ" دەپ باعالاعان.
ازاتتىق تٸلشٸسٸنٸڭ جسدپ تٶراعاسى جارماحان تۇياقبايمەن سٶيلەسۋگە مٷمكٸندٸك بولمادى. جسدپ-نىڭ الماتى قالاسى بويىنشا فيليالىنىڭ تٶراعاسى جەنە پارتييا تٶرالقاسى تٶرايىمىنىڭ ورىنباسارى تازابەك سەمبەتبايدىڭ ايتۋىنشا, پارتييا باسشىلىعى اراسىندا كيكٸلجٸڭ جوق. پارتييا تٶراعاسى جارماحان تۇياقباي پارتييا تٶرالقاسىنىڭ جۇمىسىنا شەكتەۋ قويماعان, ارالاسپاعان.
تازابەك سەمبەتبايدىڭ سٶزٸنشە, "جسدپ-نىڭ ٸشٸندە بۋىن الماسۋ پروتسەسٸ" جٷرٸپ جاتىر. باسقارۋشى ورگانى – ساياسي كەڭەسٸنٸڭ جەنە بٶلٸمشەلەرٸ مەن ٶكٸلدٸكتەرٸ باسشىلارىنىڭ جارتىسىنان استامى جاستار. وسىعان بايلانىستى بۇرىنعى بۋىن مەن كەيٸنگٸ بۋىن اراسىندا كٶزقاراس قايشىلىعى بايقالعان".
بيلٸككە وپپوزيتسييالىق باعىتتى ۇستاناتىنىن جارييالاعان جالپى ۇلتتىق سوتسيال دەموكراتييالىق پارتيياسى 2006 جىلى كٷزدە قۇرىلىپ, تٶراعالىعىنا جارماحان تۇياقباي سايلانعان. 2009 جىلى "ناعىز اق جول" پارتيياسىمەن بٸرٸگٸپ, كٶپ ۇزاماي قايتا بٶلٸنگەن.
