قىتايدىڭ Star.Vision كومپانيياسى ٶزبەكستاننىڭ تاريحىنداعى العاشقى Samarkand-2028 گيپەرسپەكترالدى جەرسەرٸگٸن سەتتٸ ۇشىردى. جەرسەرٸك قىتايدىڭ شاندۋن پروۆينتسيياسى جاعالاۋىنداعى تەڭٸز پلاتفورماسىنان عارىشقا جٸبەرٸلدٸ. بۇل تۋرالى ٶزبەكستاننىڭ تسيفرلىق تەحنولوگييالار مينيسترلٸگٸ حابارلادى.
Samarkand-2028 جەرسەرٸگٸنٸڭ باستى ەرەكشەلٸگٸ – ونىڭ بورتتىق جٷيەسٸنە ٶزبەكستاندا ەزٸرلەنگەن جاساندى ينتەللەكت مودۋلٸ ورناتىلعان. «Uzbekcosmos» اگەنتتٸگٸنٸڭ ماماندارى جاساعان بۇل تەحنولوگييا گيپەرسپەكترالدى دەرەكتەردٸ تٸكەلەي وربيتادا ٶڭدەۋگە مٷمكٸندٸك بەرەدٸ. سونىڭ ارقاسىندا اقپاراتتى بەرۋ جەنە كەيٸنگٸ تالداۋ ەلدەقايدا تيٸمدٸ بولادى.
جەرسەرٸكپەن بٸرگە قىتايدىڭ Lampung-1 اپپاراتى دا ۇشىرىلدى. ەكٸ جەرسەرٸكتٸڭ دە ۇشىرىلىمى شتاتتىق رەجيمدە ٶتتٸ.
ٶزبەكستان بيلٸگٸنٸڭ مەلٸمەتٸنشە, بۇل جوبا ەلدٸڭ ۇلتتىق عارىش باعدارلاماسىنداعى ەڭ ٸرٸ حالىقارالىق باستامالاردىڭ بٸرٸ سانالادى. سونىمەن قاتار, ول ٶزبەكستان مەن قىتاي اراسىنداعى عىلىمي-تەحنولوگييالىق ىنتىماقتاستىقتى جاڭا دەڭگەيگە كٶتەرەدٸ.
Samarkand-2028 اۋىل شارۋاشىلىعى, ەكولوگييا, قالا قۇرىلىسى جەنە باسقا دا ستراتەگييالىق سالالاردا زاماناۋي تەحنولوگييالاردى قولدانۋ مٷمكٸندٸگٸن كەڭەيتەدٸ. سونداي-اق جەرسەرٸك تابيعي رەسۋرستاردى باقىلاۋعا, سۋ قورلارىن باسقارۋعا, تٶتەنشە جاعدايلاردىڭ الدىن الۋعا جەنە جەر بەتٸن زەرتتەۋگە كٶمەكتەسەدٸ.
ايتا كەتەيٸك, Samarkand-2028 اتاۋىنىڭ سيمۆولدىق مەنٸ بار. 2028 جىلى حالىقارالىق استروناۆتيكا كونگرەسٸ (IAC) سامارقاند قالاسىندا ٶتەدٸ, ال جەرسەرٸك اتاۋى وسى تاريحي وقيعاعا وراي بەرٸلگەن.
