دٷنيەجٷزٸلٸك توعىزقۇمالاق قاۋىمداستىعى ۇلتتىق زيياتكەرلٸك ويىندى جاڭا دەڭگەيگە شىعارۋعا باعىتتالعان 9Qum تسيفرلىق پلاتفورماسىن ٸسكە قوستى. جوبا توعىزقۇمالاق ەۋەسقويلارى, كەسٸبي سپورتشىلار, جاتتىقتىرۋشىلار مەن تٶرەشٸلەرگە ارنالعان.
پلاتفورمادا قولدانۋشىلار جاساندى ينتەللەكتپەن تٷرلٸ دەڭگەيدە ويناپ, پارتييالارىن تالداپ, قاتەلەرٸ مەن تيٸمدٸ جٷرٸستەر تۋرالى تولىق ساراپتاما الا الادى. سونىمەن قاتار دەبيۋتتٸك جەنە تاكتيكالىق پوزيتسييالاردى زەرتتەۋگە, جاتتىقتىرۋشىمەن بٸرلەسٸپ دايىندالۋعا, ەلەمنٸڭ كەز كەلگەن نٷكتەسٸندەگٸ قارسىلاسپەن ونلاين ويناۋعا جەنە بەينەبايلانىس ارقىلى پارتييا ٶتكٸزۋگە مٷمكٸندٸك بار.
سونداي-اق جٷيە ونلاين تۋرنيرلەر ۇيىمداستىرۋدى جەڭٸلدەتٸپ, جارىستاردىڭ ٶتۋ بارىسى مەن نەتيجەلەرٸن ناقتى ۋاقىت رەجيمٸندە باقىلاۋعا جاعداي جاسايدى. جانكٷيەرلەر ٷزدٸك ويىنشىلاردىڭ كەزدەسۋلەرٸن تٸكەلەي ەفيردەن نەمەسە جازبا ارقىلى كٶرە الادى. بۇدان بٶلەك, پلاتفورمادا توعىزقۇمالاققا ارنالعان وقۋلىقتار مەن عىلىمي ەڭبەكتەردٸ ساتىپ الۋعا بولاتىن ونلاين كٸتاپ دٷكەنٸ جۇمىس ٸستەيدٸ.
دٷنيەجٷزٸلٸك توعىزقۇمالاق قاۋىمداستىعىنىڭ مەلٸمەتٸنشە, پلاتفورما ٸسكە قوسىلعان العاشقى ٷش كٷندە وعان شامامەن 1400 سپورتشى تٸركەلٸپ, 9 مىڭعا جۋىق پارتييا وينالعان. وسى ۋاقىت ٸشٸندە ەكٸ ونلاين تۋرنير ٶتكٸزٸلٸپ, وعان 300-گە جۋىق سپورتشى قاتىسقان.
قاۋىمداستىق الداعى ۋاقىتتا پلاتفورمادا رەسپۋبليكالىق جەنە حالىقارالىق تۋرنيرلەردٸ تۇراقتى ٶتكٸزۋدٸ, رەيتينگتٸك جٷيەنٸ جەتٸلدٸرۋدٸ, جاساندى ينتەللەكتتٸڭ تالداۋ مٷمكٸندٸكتەرٸن كەڭەيتۋدٸ جەنە توعىزقۇمالاقتى ەلەمدە كەڭٸنەن ناسيحاتتاۋدى جوسپارلاپ وتىر.
