6 قازاندا زاپوروجەگە جاسالعان زىمىران سوققىسىنان 11 ادام قازا بولدى, ٷيٸندٸ استىندا قالعان 21 ادام قۇتقارىلدى. بۇل جٶنٸندە ۋكراينا تٶتەنشە جاعداي مەملەكەتتٸك قىزمەتٸ حابارلادى.
ۆەدومستۆو مەلٸمەتٸنشە, قالادا كەمٸندە ەكٸ تۇرعىن ٷي قيراعان. بٸرٸندە ٷيٸندٸ استىنان التى ادام قۇتقارىلعان, بەسەۋٸ اۋرۋحاناعا جاتقىزىلعان. سول جەردەن سەگٸز ادامنىڭ دەنەسٸ تابىلعان. قۇلاعان ەكٸنشٸ ٷيدەن ٷش ادامنىڭ دەنەسٸ تابىلعان, قۇتقارىلعان 15 ادامنىڭ سەگٸزٸ اۋرۋحاناعا جەتكٸزٸلگەن. ۆەدومستۆو قازٸر زىمىران سوققىسىنىڭ سالدارىن جويۋ جۇمىستارى جٷرٸپ جاتقانىن حابارلادى.
زاپوروجەگە زىمىران سوققىسى 6 قازاندا تاڭەرتەڭ جاسالعان. وبلىستىڭ باسىم بٶلٸگٸ ورىس كٷشتەرٸنٸڭ باقىلاۋىندا قالىپ وتىر. ايماقتاعى ەكٸ ٸرٸ قالانىڭ بٸرٸ زاپوروجەنٸ ورىس ارميياسى باسىپ الا المادى.
رەسەي جاعى زىمىران سوققىسىنا تٷسٸنٸكتەمە بەرگەن جوق. مەسكەۋ ۋكراينانىڭ ازاماتتىق نىساندارىنا سوققى جاساعانىن ەلٸ كٷنگە دەيٸن مويىنداماي كەلەدٸ. ازاماتتىق نىسانداردى قيراتۋ حالىقارالىق نورمادا ەسكەري قىلمىس سانالادى.
3 قازاندا بۇۇ رەسەي ۋكرايناعا باسىپ كٸرگەلٸ قازا بولعان بەيبٸت ازاماتتاردىڭ سانى 6114-كە جەتكەنٸن حابارلاعان. ۇيىم دەرەك تىم تٶمەندەتٸپ كٶرسەتٸلگەن بولۋى مٷمكٸن جەنە جيٸ جاڭارىپ جاتىر دەپ ەسكەرتەدٸ.
